ក្លិបបាល់ទាត់ អាយ អេស អាយ ដង្កោសែនជ័យ នឹងត្រូវធ្វើដំណើរទៅកាន់ខេត្តស្វាយរៀង ដើម្បីជួបជាមួយក្រុមកំពូលតារាង ព្រះខ័នរាជស្វាយរៀង នៃពានរង្វាន់ជម្រើសជើងឯកខេមបូឌានព្រីមៀរលីគ ឆ្នាំ២០២៣/២៤ សម្រាប់សប្ដាហ៍ទី១៣ នៅថ្ងៃសៅរ៍ ទី៩ ខែធ្នូនេះ នៅកីឡដ្ឋានខេត្តស្វាយរៀង វេលាម៉ោង ៦:០០នាទីល្ងាច។
គ្រូបង្វឹក Pep Muñoz បានបង្ហាញចំណាប់អារម្មណ៍សម្រាប់ការប្រកួតជាមួយ ISI DSC នៅថ្ងៃនេះថា៖ «ISI គឺជាក្រុមដ៏មានឥទ្ធិពល។ ពួកគេកំពុងស្ថិតក្នុងពេលដ៏ល្អ និង កំពុងទទួលបានលទ្ធផលល្អ ហើយការប្រកួតចុងក្រោយ ពួកគេបាន បង្ហាញទម្រង់លេងយ៉ាងស៊ីសង្វាក់គ្នា ហើយពួកគេអាចរក្សាថាមពល រហូតដល់ចប់ការប្រកួត។ ពួកគេល្អក្នុងការវាយបក ហើយកីឡាករបរទេសរបស់ពួកគេមានគុណភាព គ្រប់គ្រាន់ដើម្បីបញ្ចប់ទី។ ពួកគេរកគ្រាប់បាល់បានគ្រប់ការប្រកួត នាពេលថ្មីៗនេះ»។
លោកបន្ថែមថា៖ «យើងត្រូវតែជៀសវាងការបង្កើតឱកាសរបស់ពួកគេ ការគ្រប់គ្រងបាល់ របស់ពួកគេ និងព្យាយាមបញ្ចប់ទីអោយបានល្អ នូវគ្រប់ឱកាសដែល យើងបង្កើត។ ស្ថិតក្នុងទីតាំងត្រឹមត្រូវ នៅពេលយើងមានបាល់ ហើយប្រតិកម្ម បន្ទាប់ ពីបាត់បាល់ ទាំងនេះវានឹងក្លាយជារឿងសំខាន់ក្នុងការប្រកួតនេះ។ ការ ត្រលប់ទៅស្វាយរៀងវិញបន្ទាប់ពីពីរ ៣សប្តាហ៍ គឺតែងតែពិសេសសម្រាប់ ពួកយើង។ ការលេងនៅមុខអ្នកគាំទ្ររបស់យើង ពួកគេតែងនៅពីក្រោយ ផ្តល់ឱ្យយើងនូវថាមពលបន្ថែមទៀតដើម្បីរួមគ្នាដើម្បីទទួលជ័យជម្នះ»។
ពានរង្វាន់ជម្រើសជើងឯកខេមបូឌានព្រីមៀរលីគ ឆ្នាំ២០២៣/២៤ បានឈានដល់ការប្រកួត វគ្គសន្សុំពិន្ទុជុំទី២ សប្ដាហ៍ទី១៣ ដោយកាលពីម្សិលមិញ ក្លិបណាហ្គាវើលដ៍ បានបង្ហាញភាពភ្ញាក់ផ្អើលជាថ្មីក្នុងជំនួបស្មើ ជាមួយភ្នំពេញក្រោន សប្តាហ៍ទី១៣ នៃពានរង្វាន់ជម្រើសជើងឯកខេមបូឌានព្រីមៀរលីគ ឆ្នាំ២០២៣/២៤ នៅថ្ងៃទី៨ ខែធ្នូ ក្នុងកីឡដ្ឋាន Smart RSN៕