កញ្ញា កេសរ ដែលត្រូវជាប្អូនស្រីបង្កើតរបស់កញ្ញា លំអរពេជ្រ បានបង្ហោះចែករំលែកឱ្យដឹងថាបងស្រីរបស់ខ្លួនកំពុងតែធ្វើដំណើរទៅកាន់ប្រទេសស្វីស ព្រោះស្នាដៃដឹកនាំភាពយន្តស្នេហាយុវវ័យ «ស្នេហាក្មេងៗ-Young Love» បងស្រីខ្លួូន នឹងត្រូវចាក់បញ្ចាំងនៅប្រទេសស្វីស។
ភាពយន្តដែលជាស្នាដៃដឹកនាំរបស់កញ្ញា លំអរពេជ្រ ឬឈ្មោះសិល្បៈ Yoco សមាជិក Small World Small Band នឹងត្រូវបញ្ចាំងនៅក្នុងមហោស្រពភាពរបស់ប្រទេសស្វីសឈ្មោះ Locarno Film Festival ដែលតម្រូវឱ្យសាមីខ្លួនត្រូវទៅចូលរួម។
កញ្ញា កេសរ បានបង្ហាញចំណាប់អារម្មណ៍របស់ខ្លួនបារម្ភបងស្រីបង្កើតដែលត្រូវធ្វើដំណើរផ្លូវឆ្ងាយខណៈដែលជំងឺកូវីដនៅតែបន្តអុកឡុកពិភពលោកមិនធូរស្រាល។ កញ្ញា បានបង្ហាញពីអារម្មណ៍របស់ខ្លួនតាមរយៈបណ្ដាញសង្គមដែលមានខ្លឹមសារទាំងស្រុងយ៉ាងដូច្នេះថា៖
«យេ!!! អបអរសាទរ « ស្នេហាក្មេងៗ – Young Love » បានត្រូវចាក់បញ្ចាំងនៅប្រទេសស្វីស ក្នុងកម្មវិធី
ចាំបានថារាល់ពេលដឹងដំណឹងថាបងស្រីត្រូវចេញហោះហេីរទៅប្រទេសក្រៅ មិនថាដេីរលេង ឬចូលរួមកម្មវីធី តែងតែមានអារម្មណ៍សប្បាយជំនួសគាត់ បារម្ភដែរ តែបែបធម្មតា chill chill អត់សូវCallទៅ check ច្រេីនទេ ព្រោះដឹងតែមិនអី និងគោរពពេលវេលាផ្ទាល់ខ្លួនគាត់
ប៉ុន្តែឆ្នាំនេះ ម៉ោងនេះ ជំនាន់នេះ មានអារម្មណ៍Emotional ខុសដាច់ពីមុនៗទាំងអស់ បារម្ភក៏ទ្វេដង គិតច្រេីនហេីយក្តុកក្តុលតិចអីតិច ផ្តាំផ្ញេីរំលឹកច្រេីនខ្លាំង
ប៉ុន្តែជឿថាYoki ឯងរឹងមាំ រហ័សរហួន មេីលថែខ្លួនឯង អនុវត្ត៣កុំ៣ការពារ និងសុខភាពល្អokay? 
– YoKi Cöcö
នេះហេីយប្រហែលជា «អារម្មណ៍ធម្មតាជំនាន់ថ្មី» ដែលយេីងត្រូវរៀនទទួល ហេីយរស់ជាមួយវា
#travelduringcovid»។
គួរដឹងថា ពិធីបុណ្យភាពយន្តប្រចាំឆ្នាំ Lacarno Festival លើកទី៧៤ បានប្រារព្ធឡើងចាប់ពីថ្ងៃទី៤ រហូតដល់ថ្ងៃទី១៤ ខែសីហា ឆ្នាំ២០២១ ក្នុងក្រុង Lacarno ប្រទេសស្វីស ៕
