បន្ទាប់ពីបញ្ចប់ភារកិច្ចនៅពានរង្វាន់ AFC Cup ក្លិបបាល់ទាត់ភ្នំពេញក្រោន នឹងជួប វិសាខា ក្នុងពានរង្វាន់លីគកំពូលកម្ពុជា (Cambodian Premier League) រដូវកាលឆ្នាំ២០២៣-២៤ សម្រាប់ការប្រកួតសប្តាហ៍ទី១៤ នៅថ្ងៃទី១៨ ខែធ្នូនេះ។
ក្រុមទាំង២ នឹងត្រូវជួបគ្នានៅក្នុងកីឡដ្ឋាន ស្មាត អ អេស អិន ចាប់ពីម៉ោង ៦:០០នាទីតទៅ។ រំលឹកក្នុងជំនួបជើងទី១ ភ្នំពេញក្រោន បានយកឈ្នះ វិសាខា ក្នុងលទ្ធផល ១-០ នៅកីឡដ្ឋានព្រីនស៍។ ខណបច្ចុប្បន្ន ភ្នំពេញក្រោន កំពុងឈរលេខ២ លេង១៣ ប្រកួត ឈ្នះ៨ ស្មើ៣ ចាញ់ ២ មាន ២៧ពិន្ទុ វិសាខា លេខ៣ លេងបាន ១៣ប្រកួត ឈ្នះ៨ ស្មើ ២ ចាញ់ ៣ មាន២៦ពិន្ទុ។
លទ្ធផលប្រកួតថ្ងៃទី១៧ ធ្នូ សប្តាហ៍ទី១៤៖
គិរីវង់សុខសែនជ័យ ០-៦ បឹងកេត នៅកីឡដ្ឋានគិរីវង់ ខេត្តតាកែវ
ណាហ្គាវើលដ៍ ២-៣ អាយ អេស អាយ ដង្កោសែនជ័យ នៅកីឡដ្ឋានខេត្តកំពង់ស្ពឺ
លទ្ធផលប្រកួតថ្ងៃទី១៦ ធ្នូ សប្ដាហ៍ទី១៤៖
អង្គរថាយហ្គឺរ ១-៧ ព្រះខ័នរាជស្វាយរៀង នៅកីឡដ្ឋានហនុមាន ខេត្តសៀមរាប
កងយោធពលខេមរភូមិន្ទ ២-៤ ព្រៃវែង នៅកីឡដ្ឋានស្តាតចាស់
