ក្រុមម្ចាស់ផ្ទះ AP Bren របស់ហ្វីលីពីន បានក្លាយជាម្ចាស់ជើងឯក ក្នុងព្រឹត្តិការណ៍ M5 World Championship ដែលជាព្រឹកត្តិការណ៍ប្រកួតកីឡាអេឡិចត្រូនិកកម្រិតពិភពលោកសម្រាប់វិញ្ញាសា Mobile Legends: Bang Bang ក្រោយយកឈ្នះក្រុម Onic Esports របស់ឥណ្ឌូណេស៊ី នៅវគ្គផ្ដាច់ព្រ័ត្រ ក្នុងលទ្ធផល ៤-៣ នារាត្រីថ្ងៃទី១៧ ខែធ្នូ ឆ្នាំ២០២៣ ក្នុងទឹកដីហ្វីលីពីន។
ដោយឡែកសម្រាប់ក្រុមកម្ពុជា See You Soon បានបរាជ័យក្រោមថ្វីដៃក្រុម Deus Vult នៅវគ្គKnockout Stage (Lower Bracket) ជុំទី២ ក្នុងលទ្ធផល ៣-២ កាលពីថ្ងៃទី១៥ ធ្នូ បានត្រឹមចំណាត់ថ្នាក់លេខ ៥ប៉ុណ្ណេះ។
តែយ៉ាងណាក្រុមកម្ពុជា See You Soon ក្រោមការដឹកនាំរបស់គ្រូបង្វឹក Cat God បានបង្ហាញភាពភ្ញាក់ផ្អើលដោយបានឡើងមកកាន់ចំណាត់ថ្នាក់លេង៥ នៅក្នុងព្រឹត្តិការណ៍ប្រកួតកីឡាអេឡិចត្រូនិកកម្រិតពិភពលោកសម្រាប់វិញ្ញាសា Mobile Legends: Bang Bang រៀបចំឡើងដោយក្រុមហ៊ុន Moonton ដែលមានសហម្ចាស់ផ្ទះ ម៉ាឡេស៊ី និងហ្វីលីពីន។
ដោយឆ្លងកាត់ប្រកួតវគ្គជម្រុះក្នុងពូល លទ្ធផលយ៉ាល្អដោយឆ្លងកាត់ ៣ប្រកួតក្នុងពូល ឈ្នះ២ ចាញ់១ ឈរនៅចំណាត់ថ្នាក់លេខ ២ក្នុងពូល Aដឹកដៃក្រុម Onic Esport ឥណ្ឌូណេស៊ី ឡើងវគ្គបន្ត។ ខណ:នៅវគ្គ Knockout Stage (Upper Bracket) ក្រុម See You Soon បានចាញ់ក្រុម AP Bren របស់ហ្វីលីពីន ៣-១ កាលពីថ្ងៃទី១០ ធ្នូ។
សម្រាប់លទ្ធផលប្រកួតក្នុងព្រឹត្តិការណ៍ M5 ចាប់ពីថ្ងៃទី២ ធ្នូដល់ថ្ងៃទី១៧ ខែធ្នូ ឆ្នាំ២០២៣៖
- ក្រុមជើងឯក៖ AP.Bren ទទួលបានប្រាក់រង្វាន់ ៣០ម៉ឺនដុល្លារ
- លេខ២៖ ONIC Esports ទទួលបានប្រាក់រង្វាន់ ១២ម៉ឺនដុល្លារ
- លេខ៣៖ Blacklist International ទទួលបានប្រាក់រង្វាន់ ៨ម៉ឺនដុល្លារ
- លេខ៤៖ Deus Vult ទទួលបានប្រាក់រង្វាន់ ៥ម៉ឺន ៥ពាន់ដុល្លារ
- លេខ៥-៦៖ Geek Fam ID និង See You Soon ទទួលបានប្រាក់រង្វាន់ ៤ម៉ឺនដុល្លារ
- លេខ៧-៨៖ Fire Flux Esports និងBurmese Ghouls ទទួលបានប្រាក់រង្វាន់ ៣ម៉ឺនដុល្លារ
- លេខ៩-១២៖ Triple Esports, Team SMG, Team Flash និងHomeBois ទទួលបានប្រាក់រង្វាន់
- ២ម៉ឺនដុល្លារ
- លេខ១៣-១៦៖ Bigetron Sons, RRQ Akira, Team Lilgun និងTheOhioBrothers ទទួលបានប្រាក់រង្វាន់ ១ម៉ឺន ៥ពាន់ដុល្លារ
- លេខ១៧-១៨៖ Imperio និងNiightmare Esports ទទួលបានប្រាក់រង្វាន់ ១ម៉ឺនដុល្លារ
- លេខ១៩-២០៖ Team Falcons និង Umbrella Squad ទទួលបានប្រាក់រង្វាន់ ១ម៉ឺនដុល្លារ
- លេខ២១-២២៖ 4Merical Esports និងKeepBest Gaming ទទួលបានប្រាក់រង្វាន់ ១ម៉ឺនដុល្លារ
ខណ:ពានរង្វាន់កីឡាករល្អ (MVP Award) បានទៅលើកកីឡាករ FlapTzy សមាជិកក្រុម AP Bren ដែលជាម្ចាស់ជើងឯកសម្រាប់ព្រឹត្តិការណ៍ M5។
សម្រាប់ព្រឹត្តិការណ៍ M5 នៅឆ្នាំនេះ មានក្រុមចំនួន ២២មកពីប្រទេសផ្សេងៗទូទាំពិភពលោក (៨ក្រុម ត្រូវប្រកួតជម្រុះ Wildcard ចាប់ពីថ្ងៃទី២៣ ខែវិច្ឆិកា ) យក ២ក្រុមដើម្បីរកអ្នកឡើងទៅវគ្គបន្តមាន ១៦ក្រុម ដោយការប្រកួតនឹង ២ ធ្នូដល់ថ្ងៃទី១៧ ខែធ្នូ ឆ្នាំ២០២៣។ សម្រាប់ប្រាក់រង្វាន់ សរុបចំនួន ៩០ម៉ឺនដុល្លារ ដែលនឹងត្រូវបែងចែកទៅតាមចំណាត់ថ្នាក់។
ចំពោះព្រឹត្តិការណ៍ M5 នេះជាលើកទី៥ ហើយដែលក្រុមកីឡាអេឡិចត្រូនិកលើវិញ្ញាសា Mobile Legends: Bang Bang ទៅចូលរួមប្រកួតព្រឹត្តិការណ៍អន្តរជាតិនេះ ខណៈលើកទី១ M1 នៅឆ្នាំ២០១៩ ក្រុម Impunity KH លើកទី២ M2 នៅដើមឆ្នាំ២០២១ ក្រុម Impunity KH លើកទី៣ M3 នៅចុងឆ្នាំ២០២១ ក្រុម See You Soon ព្រឹត្តិការណ៍ M4 ឆ្នាំ២០២នេះ គឺក្រុម Burn X Flash នៅឆ្នាំ២០២៣នេះ គឺក្រុម See You Soon។
គួររំលឹកថា នេះជាលើកទី២ ហើយដែលក្រុម See You Soon ទៅចូលរួមប្រកួតក្នុងព្រឹត្តិការណ៍លំដាប់ពិភពលោកមួយនេះ ដោយកាលព្រឹត្តិការ M3 ក្រុមកម្ពុជា See You Soon ក៏ធ្វើបានល្អដែរ ទទួលបានចំណាត់ថ្នាក់លេខ៩ ក្នុងចំណោម ១៦ក្រុម ដោយទទួលបានប្រាក់រង្វាន់១៥០០០ដុល្លារ ខណ: ម្ចាស់ជើងឯកឆ្នាំចាស់ (M4) បានទៅលើក្រុម ECHO Philipine ទទួលបានប្រាក់រង្វាន់ ៣០ម៉ឺនដុល្លារ៕
