ការប្រកួត M Series World Championship ដែលអ្នកទាំងអស់គ្នាបានស្គាល់ថាជាការប្រកួតកីឡា អេឡិច ត្រូនិកកម្រិតពិភពលោកទើបបានបញ្ចប់សម្រាប់រដូវកាលទី៥ ដែលរៀបចំដោយ Moonton ចាប់ផ្ដើមពីថ្ងៃទី២ ធ្នូ ដល់ថ្ងៃទី១៧ធ្នូ ឆ្នាំ២០២៣ បានទៅលើក្រុម AP Bren (ហ្វីលីពីន)។
ខណ:ព្រឹត្តិការណ៍ M6 World Championship 2024 នឹងវិញត្រឡប់ទៅកាន់ប្រទេសម៉ាឡេស៊ី វិញម្ដងបន្ទាប់ពីខកខាន់អស់ ៤រដូវកាល។ ម៉ាឡេស៊ី គឺជាប្រទេសដែលមានក្រុមខ្លាំងជាងគេនៅក្នុងតំបន់ ហើយសម្រាប់រដូវកាលឆ្នាំ២០២៣នេះ ក្រុមរបស់ពួកគេទាំង ២ធ្វើមិនបានល្អ ដោយបញ្ចប់ត្រឹមចំណាត់ថ្នាក់លេខ៩ ទាំង២ក្រុម។
ប្រទេសដែលបានរៀបចំព្រឹត្តិការណ៍ M Series World Championship កន្លងមក៖
- លើកទី១៖ M1 World Championship 2019 នៅប្រទេសម៉ាឡេស៊ី ក្រុម EVOS Legends (ឥណ្ឌូណេស៊ី) ជើងឯក
- លើកទី២៖ M2 World Championship 2020 នៅប្រទេសសិង្ហបុរី ក្រុម Bren E-Sports (ហ្វីលីពីន) ជើងឯក
- លើកទី៣៖ M3 World Championship 2021 នៅប្រទេសសិង្ហបុរី ក្រុម Blacklist International (ហ្វីលីពីន) ជើងឯក
- លើកទី៤៖ M4 World Championship 2022 នៅប្រទេសឥណ្ឌូណេស៊ី ក្រុម ECHO (ហ្វីលីពីន) ជើងឯក
- លើកទី៥៖ M5 World Championship 2023 នៅប្រទេសហ្វីលីពីន ក្រុម AP Bren (ហ្វីលីពីន) ជើងឯក
គួរបញ្ជាក់ថា ការប្រកួតកម្មវិធី M5 World Championship នៅប្រទេសឥណ្ឌូណេស៊ី ដែលក្រុម Echo Philippine គ្រងជើងឯកបន្ទាប់ពីបានយកឈ្នះក្រុមខ្លាំង Onic Esports របស់ឥណ្ឌូណេស៊ី នៅវគ្គផ្ដាច់ព្រ័ត្រដោយក្នុងលទ្ធផល ៤-៣ (ប្រកួត៧ហ្គេម) ទទួលបានប្រាក់រង្វាន់ ៣០ម៉ឺនដុល្លារ៕
