ចាប់តាំងពីកីឡាករ វឿន វាសនា ចាកចេញពីប្រទេសកម្ពុជា ទៅចូលរួមជាមួយក្លិប Win Streak សមាជិកលីគបាល់ទះនៅតៃវ៉ាន់ (Enterprise Volleyball League) កាលពីថ្ងៃទី៨ ខែតុលា ឆ្នាំ២០២៣ ជាមួយកុងត្រារយ:ពេល ២ឆ្នាំ ពេលនេះរូបគេបានបង្ហាញខ្លួនសរុបចំនួន ៤ប្រកួត ឈ្នះ៣ និងចាញ់១។
៤ប្រកួតរបស់ វឿន វាសនា ជាមួយក្លិប Win Streak៖
- Win Streak បានយកឈ្នះ Pingtung Taipower ក្នុងលទ្ធផល ៣សិតទល់២ (20-25, 25-22, 23-25, 25-21, 15-10) កាលពីយប់ថ្ងៃទី១៤ ខែតុលា ឆ្នាំ២០២៣។
- Win Streak បានយកឈ្នះ Taoyuan TFMI ក្នុងលទ្ធផល ៣សិតទល់២ (25-21, 22-25, 21-25, 26-24, 10-15)។
- Win Streak បានរងបរាជ័យក្រោមថ្វីដៃ Taipower ៣សិតទល់០ (25-30, 19-25, 21-25) កាលពីយប់ថ្ងៃទី៩ ខែធ្នូ ឆ្នាំ២០២៣។
- Win Streak បានយកឈ្នះ Changhua SDTV ក្នុងលទ្ធផល ៣សិតទល់នឹង០ (25-20, 25-21, 25-20) កាលពីយប់ថ្ងៃទី១០ ខែធ្នូ ឆ្នាំ២០២៣។
កម្មវិធីប្រកួតរបស់ វឿន វាសនា ជាមួយក្លិប Win Streak៖
- ថ្ងៃទី២៣ ខែធ្នូ Win Streak ប៉ះ Changhua SDTV
- ថ្ងៃទី២៤ ខែធ្នូ Win Streak ប៉ះ Conti Sports។
ការប្រកួតលីគបាល់ទះតៃវ៉ាន់ Enterprise Volleyball League មានសមាជិកចូលរួមចំនួន ៦ក្រុម រួមមាន Conti Sports, TMFI Falcons, Mizuno, Taichung Apollo, Taipower និងWin Streak។ ដោយការប្រកួតនៅសប្ដាហ៍ទី១ បានចាប់ផ្ដើចាប់ពីថ្ងៃទី១៤ តុលា នឹងគ្រោងបញ្ចប់វគ្គសន្សុំពីន្ទុនៅសប្ដាហ៍ទី១៨ ថ្ងៃទី៩ ខែមីនា ឆ្នាំ២០២៤៕
ទស្សនាវីដេអូ Win Streak របស់ វឿន វាសនា ប្រកួតយកឈ្នះ Changhua SDTV៖
