ព្រឹត្តិការណ៍ជាប្រវត្តិសាស្រ្តថ្មី ក្នុងវិស័យបាល់ទះកម្ពុជា គឺការប្រកួតបាល់ទះ «តេជោលីគ» (Techo Volleyball Cambodia League) ដែលនឹងប្រព្រឹត្តិទៅ ចាប់ពីថ្ងៃទី១២ ខែមករា ដល់ ថ្ងៃទី១៨ ខែមីនា ឆ្នាំ២០២៤ ដោយការប្រកួតនឹងធ្វើឡើងនៅថ្ងៃ សុក្រ-សៅរ៍ និងថ្ងៃអាទិត្យ។
ក្នុងនោះផងដែរ នៅថ្ងៃបើកការប្រកួតក៏មានគូពិសេស នឹងធ្វើការប្រកួតគ្នាដើម្បីអោយប្រិយមិត្តបានទស្សនាកាន់តែមានភាពសប្បាយរីករាយ ដោយក្រុមកីឡាករឆ្នើមនៅក្នុងពានរង្វាន់កីឡាបាល់ទះសម្តេចក្រឡាហោម ស ខេង ឆ្នាំ២០២៣ ដែលដឹកនាំដោយគ្រូបង្វឹក លោក អ៊ូ សុផល នឹងត្រូវប្រកួតមិត្តភាពជាមួយក្រុមបាល់ទះជម្រើសជាតិកម្ពុជា។
ដោយការប្រកួត នឹងត្រូវធ្វើឡើងនៅថ្ងៃទី១២ ខែមករា ឆ្នាំ២០២៣ នៅក្នុងសាលនៃ ពហុកីឡដ្ឋានជាតិ រាជធានីភ្នំពេញ វេលាម៉ោង ៥:០០នាទីល្ងាចតទៅ។ ដូចនេះសម្រាប់ប្រិយមិត្តដែលស្នេហាវិស័យកីឡាបាល់ទះកម្ពុជា ក៏ដូចខាចង់ជួប អាយដល់របស់ខ្លួន កុំភ្លេខចូលរួមទស្សនាដោសេរី។
សូមបញ្ជាក់ផងដែរថា ព្រឹត្តិការណ៍ប្រកួតបាល់តះ «តេជោលីគ» (Techo Volleyball Cambodia League) ជាប្រវត្តិសាស្រ្តថ្មីមួយទៀត ក្នុងវិស័យបាល់ទះកម្ពុជា ដោយក្រុមចូលរួមប្រកួតប្រជែងមានចំនួន៨ មាន៖ សមាគមបាល់ទះវិសាខា, សមាគមក្រសួងមហាផ្ទៃ, ក្លិប បញ្ជាការដ្ឋានអង្គរក្ស, កងពលធំអន្តរាគមន៍លេខ៣, ក្លិបរដ្ឋបាលរាជធានីភ្នំពេញ, ក្លិបបាល់ទះខេត្តព្រះសីហនុ, ក្លិបស្នងការដ្ឋាននគរបាលពោធិសាត់ និងក្លិបស្នងការដ្ឋាននគរបាលកណ្តាល។
ចំពោះរូបមន្តនៃការប្រកួតត្រូវបានចែកជា ៣ជុំ មាន៖
-ជុំទី១៖ ក្រុមទាំង ៨ប៉ះគ្នាចំនួន ១ជើង
-ជុំទី២៖ ក្រុមលេខ១ ដល់ ៦ (ចំណាត់ថ្នាក់ជុំទី១) ប៉ះគ្នាជំនួន១ជុំទៀត
-ជុំទី៣៖ ក្រុមលេខ១ ប៉ះ លេខ៣ ក្រុម លេខ២ ប៉ះ លេខ៤ (ចំណាត់ថ្នាក់ជុំទី២)
ដើម្បីផ្ដល់ព័ត៌មានពិស្ដារអំពីការប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាលឆ្នាំ ២០២៣-២០២៤ សហព័ន្ធកីឡាបាល់ទះកម្ពុជា នឹងរៀបចំសន្និសីទសារព័ត៌មាន ដែលនឹងប្រព្រឹត្តិទៅ នៅថ្ងៃចន្ទ ទី២៥ ខែធ្នូ ឆ្នាំ២០២៣ ក្នុងសាលប្រជុំមជ្ឈមណ្ឌលជាតិហ្វឹកហ្វឺនកីឡា វេលាម៉ោង ១៤:០០នាទីតទៅ៕
