ក្រុមបាល់ទះ Win Streak របស់កីឡាករ វឿន វាសនា បានយកឈ្នះ Changhua SDTV ក្នុងលទ្ធផល ៣សិតទល់០ កាលពីថ្ងៃសៅរ៍ ទី២៣ និងបន្តឈ្នះក្រុម Conti Sports ៣សិតទល់១ នៅថ្ងៃអាទិត្យ ទី២៤ ខែធ្នូ នៅលីគបាល់ទះតៃវ៉ាន់ Enterprise Volleyball League ២០២៣-២៤។
ចាប់តាំងពីកីឡាករ វឿន វាសនា ចាកចេញពីប្រទេសកម្ពុជា ទៅចូលរួមជាមួយក្លិប Win Streak សមាជិកលីគបាល់ទះនៅតៃវ៉ាន់ (Enterprise Volleyball League) កាលពីថ្ងៃទី៨ ខែតុលា ឆ្នាំ២០២៣ ជាមួយកុងត្រារយ:ពេល ២ឆ្នាំ ពេលនេះរូបគេបានបង្ហាញខ្លួនសរុបចំនួន ៦ប្រកួត ឈ្នះ៥ និងចាញ់១។
៦ប្រកួតរបស់ វឿន វាសនា ជាមួយក្លិប Win Streak៖
- Win Streak បានយកឈ្នះ Pingtung Taipower ក្នុងលទ្ធផល ៣សិតទល់២ (20-25, 25-22, 23-25, 25-21, 15-10) កាលពីយប់ថ្ងៃទី១៤ ខែតុលា ឆ្នាំ២០២៣។
- Win Streak បានយកឈ្នះ Taoyuan TFMI ក្នុងលទ្ធផល ៣សិតទល់២ (25-21, 22-25, 21-25, 26-24, 10-15)។
- Win Streak បានរងបរាជ័យក្រោមថ្វីដៃ Taipower ៣សិតទល់០ (25-30, 19-25, 21-25) កាលពីយប់ថ្ងៃទី៩ ខែធ្នូ ឆ្នាំ២០២៣។
- Win Streak បានយកឈ្នះ Changhua SDTV ក្នុងលទ្ធផល ៣សិតទល់នឹង០ (25-20, 25-21, 25-20) កាលពីយប់ថ្ងៃទី១០ ខែធ្នូ ឆ្នាំ២០២៣។
- Win Streak បានយកឈ្នះ Changhua SDTV ក្នុងលទ្ធផល ៣សិតទល់នឹង០ (20-25, 18-25, 8-25) កាលពីយប់ថ្ងៃទី២៣ ខែធ្នូ ឆ្នាំ២០២៣។
- Win Streak បានយកឈ្នះ Conti Sports ក្នុងលទ្ធផល ៣សិតទល់នឹង១ (25-15, 25-18, 22-25, 26-24) កាលពីយប់ថ្ងៃទី២៤ ខែធ្នូ ឆ្នាំ២០២៣។
ការប្រកួតលីគបាល់ទះតៃវ៉ាន់ Enterprise Volleyball League មានសមាជិកចូលរួមចំនួន ៦ក្រុម រួមមាន Conti Sports, TMFI Falcons, Mizuno, Taichung Apollo, Taipower និងWin Streak។ ដោយការប្រកួតនៅសប្ដាហ៍ទី១ បានចាប់ផ្ដើចាប់ពីថ្ងៃទី១៤ តុលា នឹងគ្រោងបញ្ចប់វគ្គសន្សុំពីន្ទុនៅសប្ដាហ៍ទី១៨ ថ្ងៃទី៩ ខែមីនា ឆ្នាំ២០២៤៕
Win Streak ឈ្នះ Conti Sports លទ្ធផល ៣សិតទល់នឹង១ (25-15, 25-18, 22-25, 26-24)៖
Win Streak ឈ្នះ Changhua SDTV លទ្ធផល ៣សិតទល់នឹង០ (20-25, 18-25, 8-25)៖