សិល្បៈជាតិ៖ ក្រោយទទួលបានជោគជ័យឈ្នះតំណែង The Winner Queen Universe Trans និង លំដាប់រងទី៤ នៃកម្មវិធី Miss Glamour លើឆាកអន្តរជាតិ លោក យុន វុទ្ធី ជា National Director បានទម្លាយឱ្យដឹងថា នៅឆ្នាំ ២០២៤ ខាងមុខនេះ លោកត្រៀមពន្លែងកម្មវិធីធំៗនៃវេទិកាប្រកួតសម្រស់ចំនួន៣ ដើម្បីស្វែករករក បុរសឯក កញ្ញាឯក និងបវរកញ្ញាភេទី ៣ កម្ពុជា ដែលជាបេក្ខភាពជើងខ្លាំង មានទាំងរូបសម្បត្តិ ចំណេះដឹង និង ភាពជឿជាក់ខ្ពស់ឆ្ពោះទៅប្រកួតនៅលើឆាកអន្តរជាតិ។
ការប្រកាសនេះបានធ្វើឡើងនៅក្នុងកម្មវិធី DET DAM Meet & Greet នាពេលថ្មីៗនេះដោយមានវត្តមានម្ចាស់ជយលាភី The Winner of QUEEN UNIVERSE TRANS ពេជ្រ គីរ៉ា និង Miss Glamour Look International 4th Runner up ប៉ោ រចនា លោក យុន វុទ្ធី ជា National Director ព្រមទាំងការចូលរួមពីភ្ញៀវកិត្តិយស និងអ្នកគាំទ្រជាច្រើនរូបទៀត នៅកោះពេជ្រអគារ GIA។
National Director លោក យុន វុទ្ធី និងតំណាងឱ្យ DET DAM Media Solution បានឱ្យដឹងថានៅឆ្នាំ ២០២៤ ខាងមុខនេះ ក្រុមហ៊ុននឹងប្រឹងប្រែងធ្វើឱ្យបានកាន់តែល្អ ដើម្បីសម្រិតសម្រាំងទាំងបុរសឯក បវរកញ្ញា និងបវរកញ្ញាភេទទី ៣ ដ៏មានសមត្ថភាពឱ្យឈានទៅប្រកួតលើឆាកអន្តរជាតិ ទទួលបានលទ្ធផលល្អដូចជាឆ្នាំ២០២៣នេះ។
លោក យុន វុទ្ធី បន្តប្រាប់ថា លោកនឹងនាំកម្មវិធីប្រកួតកម្រិតអន្តរជាតិចំនួន ៣ រួមមាន Mister Glam Cambodia , Miss Glamour Look Cambodia និង កម្មវិធី Miss Universe Trans Cambodia។ យ៉ាងណាមិញ National Director លោក យុន វុទ្ធី បានសន្យាថា ការប្រកួតនៅឆ្នាំ ២០២៤នេះ លោកធ្វើឱ្យអ្នកគាំទ្រឃើញពីភាពអស្ចារ្យរបស់កម្មវិធីដែលកាន់តែធំ និងប្លែកភ្នែកជាងមុន។
សូមជម្រាបថា រហូតមកដល់ពេលនេះ មានបេក្ខភាព និងបេក្ខនារី រួមទាំងបេក្ខនារីភេទី ៣ ជាច្រើនរូបបានទំនាក់ទំនងនឹងសួរនាំពីការប្រកួតទាំង ៣ កម្មវិធីនេះ។ ដើម្បីដឹងពីព័ត៌មានលម្អិត ឬការបរិច្ឆេទចាប់ផ្ដើមប្រកាសទទួលពាក្យចូលរួមប្រកួតធ្វើឡើងនៅពេលណានោះ សូមកុំភ្លេចតាមដាននៅលើហ្វេសប៊ុករបស់កម្មវិធី Mister Glam Cambodia , Miss Glamour Look Cambodia , Miss Universe Trans Cambodia ក៏ដូចជាហ្វេសប៊ុកផេក DET DAM Media Solution៕