កីឡាករ អាំ សុវណ្ណារ៉ាត់ គឺជាកីឡាករតែម្នាក់គត់ដែលទើបតែបានបង្ហាញខ្លួន ក្នុងការប្រកួតពានរង្វាន់លីគកំពូលកម្ពុជា Cambodian Premier League រដូវកាលឆ្នាំ២០២៣-២៤ នៅសប្ដាហ៍ទី១៥។
នេះគឺជាការបង្ហាញខ្លួនលើកដំបូងនៅក្នុងលីគកំពូលកម្ពុជា ពេញ ៩០នាទី ក្នុងនាមជាអ្នកចាំទីឲ្យក្លិបបាលើទាត់ព្រះខ័រាជស្វាយរៀង ក្នុងជំនួបយកឈ្នះក្លិបបាល់ទាត់វិសាខា ក្នុងលទ្ធផល ៤ទល់និង៣ នៅកីឡដ្ឋានខេត្ត ស្វាយរៀង នៅវគ្គជម្រុះជុំទី២ សប្ដាហ៍ទី១៥ កាលពីរាត្រីថ្ងៃទី២៣ ខែធ្នូ ឆ្នាំ២០២៣។
ជ័យជម្នះរបស់ព្រះខ័នរាជស្វាយរៀង រកគ្រាប់បានដោយកីឡាករ Marcus Haber ចំនួន ៣គ្រាប់ (បាល់ប៉េណាំងទី១គ្រាប់) និងកីឡាករ Bento Fernandes ចំនួន ១គ្រាប់។ ខណ:វិសាខា រកបានដោយកីឡាករ Mouzinho ចំនួន ១គ្រាប់ ស៊ិន កក្កដា ចំនួន ១គ្រាប់ និង សរ រតនា ចំនួន ១គ្រាប់។
ក្នុងអាជីពបាល់ទាត់ គិតមកដល់ពេលនេះ អាំ សុវណ្ណារ៉ាត់ បានប្រឡូកបានរយ:ពេល១១ឆ្នាំហើយ។ ម្ចាស់អាវលេខ ១៨រូបនេះ គឺជាអ្នកចាំទីដែលបានប្រសូត្រចេញពីថ្នាលយុវជនរបស់ក្លិបបាល់ទាត់ព្រះខ័នរាជស្វាយរៀង និងបានបន្តអាជីពបាល់ទាត់រហូតមកដល់បច្ចុប្បន្ន។
យុវជនមានដើមកំណើរនៅរាជធានីភ្នំពេញរូបនេះ ក៏ជាអតីតក្រុមជម្រើសជាតិអាយុក្រោម ១៩ឆ្នាំ ពិសេក៏ធ្លាបបានជួយព្រះខ័នរាជស្វាយរៀង ឈ្នះពានរង្វាន់នៅលីគកំពូលកម្ពុជា និងពានសម្ដេចតេជោ ហ៊ុន សែន ផងដែរ។
តារាងចំណាត់ថ្នាក់ ត្រឹមសប្ដាហ៍ទី១៥៖