តារាចម្រៀងល្បីប្រចាំផលិតកម្មសាន់ដេរ កញ្ញា អ៊ីវ៉ា (EVA) បានចេញមកផុសលើបណ្ដាញសង្គមបែបហួសចិត្តថាកញ្ញាត្រូវបានគណនីមួយចូលមកជេរដោយគ្មានមូលហេតុ មិនត្រឹមតែប៉ុណ្ណឹងគណនីនោះបានទាំងតេទៅលេខទូរស័ព្ទទូររស័ព្ទហើយជេរខ្លាំងៗថែមទៀត។
កាលពីរសៀលថ្ងៃទី៩ ខែសីហា ឆ្នាំ២០២១ កញ្ញា អ៊ីវ៉ា បានចេញមកបង្ហោះសំណេរចែករំលែករឿងរ៉ាវហួសចិត្តមួយដែលកញ្ញាបានជួបប្រទះ ដោយមានគណនីមួយឈ្មោះ Ah July បានចូលមកខមមិនជេរប្រមាថលើរូបកញ្ញាដោយប្រើប្រាស់នូវពាក្យសម្ដីអសុរស ហើយក្នុងសំណេរនោះបានគណនី Ah July បានចោទប្រកាន់កញ្ញា EVA ពាក់ព័ន្ធនឹងរឿងរ៉ាវស្នេហា ព្រមទាំងលើកឡើងទៀតថាកញ្ញា EVA បានជេរប្រមាថខ្លួនថែមទៀតផង។
ចំពោះលើកឡើងរបស់គណនីខាងលើ ត្រូវបានកញ្ញា ឃីន ស្រីនាថ ហៅ EVA ច្រានចោទព្រមទាំងអះអាងថាកញ្ញាមិនដែលធ្លាប់មានទំនាក់ទំនងឬស្គាល់បុគ្គលដែលបានជេរប្រមាថលើរូបកញ្ញានេះឡើយ ដោយកញ្ញាបាន Printscreen ភ្ជាប់ជាមួយនឹងសំណេររៀបរាប់បង្ហោះលើបណ្ដាញសង្គមថា៖ «ខ្ញុំអត់ដែលស្គាល់គាត់ទេ តែគាត់ចូលមកខមមិនក្នុងផេក ជេរខ្ញុំយកៗ ថែមទាំងខលមកគំរាមខ្ញុំទៀត 0965710378។ បញ្ជាក់ខ្ញុំផុសនេះគ្មានគោលបំណងអាក្រក់ឬឌឺដងគាត់ទេ គ្រាន់តែចង់អោយបងប្អូនទាំងអស់គ្នាដឹងកុំអោយមានការយល់ច្រលំ»
ងាកមកគណនី Ah July វិិញក៏បានឆ្លើយតបចំពោះការលើកឡើងរបស់កញ្ញា EVA តាមរយៈការ Share ផុសរបស់តារាចម្រៀងប្រចាំផលិតកម្ម Sunday ហើយសរសេររៀបរាប់ខ្លឹមសារទាំងស្រុងថា៖ «ញុំសួរ,,បើនាងស្មោះត្រង់ នាងហ៊ានស្បថទៅ,,,,ខ្ញុំតេលើកទីមួយខ្ញុំជេរមែន,,តែខ្ញុំតេលើកទីពីរ,,,នាងជេរម្រាយខ្ញុំ ពេញៗមាត់,មិនបង្ហោះផង,,,កុំសម្ដែង,,យកល្អតែខ្លួនឯង,,,ស្បថទៅ,,,,ស្បថដាក់ជីវិត នាងសាហាវ ,,មើលសំបកក្រៅ ថាល្អណាស់ មើលទៅ កំសត់ណាស់,តែ,ធាតុពិត ,,បានដឹង»។
យ៉ាងណាមិញសំណេរខាងលើមិនទទួលបានការគាំទ្រនោះទេ ព្រោះមានអ្នកគាំទ្ររបស់កញ្ញា អ៊ីវ៉ា ជាច្រើននាក់ចូលមកខមមិនជេរស្ដីព្រមទាំងលើកឡើងថាគណនី Ah July ជាមនុស្សឆ្កួតវិកលចរិតជាដើម។ល។
សារព័ត៌មានត្រយង នឹងធ្វើការទំនាក់ទំនងតាមរយៈសារអេឡិចត្រូនិកទៅកាន់កញ្ញា អ៊ីវ៉ា ដើម្បីសាកសួរពីដំណើរដើមទងពាក់ព័ន្ធនឹងរឿងនេះឱ្យកាន់តែច្បាស់ជាបន្តទៀត ៕