សិល្បៈជាតិ ៖ ដូចមហាជនបានជ្រាបខ្លះមកហើយថា កញ្ញា ពេជ្រ គីរ៉ា បានឈ្នះ Queen Universe Trans 2023 បន្ទាប់ពីចប់ការប្រកួតកម្មវិធី Miss Universe Trans ឆ្នាំ 2023 នៅប្រទេសឥណ្ឌា នាពេលថ្មីៗនេះ។ យ៉ាងណាមិញ ពេជ្រ គីរ៉ា អះអាងថា ខ្លួនគឺជានារីភេទទី៣កម្ពុជាដំបូងបង្អស់ ដែលឈ្នះមកុដបវរកញ្ញាលើឆាកអន្តរជាតិ និងជា Queen Universe Trans កម្រិតពិភពលោកមុនគេជាប្រវត្តិសាស្ត្រ។
កញ្ញា ពេជ្រ គីរ៉ា បានរៀបរាប់ប្រាប់អំពីបទពិសោធន៍របស់ខ្លួនដែលធ្វើយ៉ាងណាយកមកុដពិភពលោកមកជូនកម្ពុជាវិញ និងបានចែករំលែកពីគន្លឹះខ្លះៗដែលធាតុសំខាន់ធ្វើឱ្យកញ្ញាទទួលបានជោគជ័យ រហូតអាចដណ្ដើមបានមកុដពីអន្តរជាតិយ៉ាងសមបំណង។
សម្រាប់ឆ្នាំ ២០២៤ ខាងមុខនេះ ប្រទេសកម្ពុជាក៏គ្រោងនឹងរៀបចំការប្រកួត កម្មវិធី Miss Universe Trans ដើម្បីស្វែងរកនារីភេទទី ៣ ឆ្នើមមួយរូបទៀតទៅចូលរួមប្រកួតនៅលើវេទិកាអន្តរជាតិ។ កញ្ញា ពេជ្រ គីរ៉ា ក៏ប្រាប់អំពីគោលបំណងសំខាន់ៗនៃការប្រកួត Miss Universe Trans និងការត្រៀមខ្លួនរបស់បេក្ខភាពដែលជាទុនសំខាន់មួយសម្រាប់បេក្ខភាពជំនាន់ក្រោយដែលមានបំណងចង់សម្រេចក្ដីស្រមៃដូចកញ្ញា។
ចុងក្រោយនេះ កញ្ញា ពេជ្រ គីរ៉ា ក៏បានថ្លែងអំណរគុណដល់អ្នកគាំទ្ររបស់កញ្ញាទាំងអស់ដែលពួកគេបានជួយជ្រោមជ្រែង និងបោះឆ្នោតឱ្យកញ្ញាឈ្នះការប្រកួតបានសម្រេច។ ហើយជាពិសេសកញ្ញាផ្ដាំផ្ញើថា សម្រាប់បេក្ខភាពដែលចង់ចូលរួមប្រកួតនៅក្នុងកម្មវិធី Miss Universe Trans ឆ្នាំ ២០២៤ សូមត្រៀមខ្លួនត្រៀមសមត្ថភាពមកជាកញ្ចប់ឱ្យហើយ ព្រោះកញ្ញាចង់ឃើញនារីភេទទី ៣ តំណាងឱ្យកម្ពុជាជាអ្នកបន្តវេន នឹងធ្វើបានជោគជ័យដល់គោលដៅដូចជារូបកញ្ញាផងដែរ៕
ដើម្បីលម្អិតពីព័ត៌មាននេះ សូមទស្សនាវីដេអូព័ត៌មានខាងក្រោមនេះ៖
