កាលពីពេលថ្មីៗនេះកម្ពុជា បានបង្ហាញវត្តមានម៉ាកយីហោររថយន្តប្រណីតដំបូងគេរបស់កម្ពុជា ដែលមានរោងចក្រដំឡើងនៅកម្ពុជាមានឈ្មោះថា ជីធីវី ម៉ូធ័រ ឯ.ក GTV MOTOR Co., LTD ដែលបានចាប់ផ្តើមជា “គម្រោងរថយន្តជាតិប្រទេសកម្ពុជា បង្កើតឡើងក្នុងគោលបំណងជួយដល់ការដឹកនាំការអភិវឌ្ឍន៍សេដ្ឋកិច្ចរបស់ប្រទេសកម្ពុជា និងជាមូលដ្ឋានគ្រឹះដ៏សំខាន់សម្រាប់ឧស្សាហកម្មរថយន្តក្នុងស្រុក។
ការចាប់ផ្តើមរបស់ GTV MOTOR គឺជាការចាប់ផ្តើមនៃដំណើរដំបូងបំផុតសម្រាប់ម៉ាករថយន្តជាតិកម្ពុជា ដូចជា “មោទនភាពជាតិ” ។ ប្រជាជនកម្ពុជាអាចបើកបររថយន្តដែលមានគុណភាពនិងតម្លៃសមរម្យ ហើយក៏ជាម៉ាករថយន្តរបស់កម្ពុជាផ្ទាល់។ ប្រវត្តិ ក្រុមហ៊ុន ក្រុមហ៊ុន GTV MOTOR CO., Ltd. ដែលត្រូវបានបង្កើតឡើងក្នុងឆ្នាំ២០២២ ផ្តោតលើការអភិវិឌ្ឍន៍រថយន្តម៉ាកយីហោដែលផលិតដោយផ្ទាល់នៅក្នុងកម្ពុជា ដោយប្តេជ្ញានាំយកនូវផលិតផលរថយន្តដែលមានគុណភាពខ្ពស់ និងផ្តល់បទពិសោធន៍សេវាកម្មជួសជុលដ៏ល្អបំផុតជូនដល់អតិថិជនរបស់ខ្លួន។
ក្រុមហ៊ុននេះមានឈ្មោះ GTV MOTOR CO., LTD ជាក្រុមហ៊ុន អភិវឌ្ឍន៏ម៉ាកយីហោរថយន្តនិងផលិតដោយផ្ទាល់នៅលើទឹកដី ព្រះរាជាណាចក្រកម្ពុជាក៏ជារោងចក្រដំឡើង និងនាំចេញរថយន្តរបស់ក្រុមហ៊ុនដ៏ល្បីឈ្មោះ Volkswagen ដែលជាហ៊ុនអាល្លឺម៉ង់នៅអាស៊ីអាគ្នេយ៍ផងដែរ។ រោងចក្រថ្មីនេះនឹងគ្របដណ្តប់លើផ្ទៃដី ១០០,០០០ ម៉ែត្រការ៉េ, ដែលមានសមត្ថភាពផលិតរថយន្តប្រចាំឆ្នាំ ដល់ទៅ ៣៥,០០០គ្រឿងទៀតផង។
អ្វីដែលគួរឲ្យសំគាល់ ឈ្មោះម៉ូដែលនីមួយៗនរថយន្តត្រូវបាន ប្រើប្រាស់ «ភាសាខ្មែរ» ដែលវាជាលើកដំបូងហើយសម្រាប់ប្រទេសកម្ពុជា ដែលអាចទទួលជាមួយអារម្មណ៍រំភើបបែបនេះ អ្វីដែលសំខាន់រថយន្តទាំងនេះចាប់ផ្តើម ដាក់លក់លើទីផ្សារហើយ ហើយតម្លៃរថយន្តសម្រាប់ប្រជាជនកម្ពុជាយើងក៏មានតម្លៃទាបជាង ការលក់ទៅឲ្យជនបរទសថមទៀតផង។
ក្នុងរយៈពេល ២ឆ្នាំកន្លងមកនេះ ចាប់ពីឆ្នាំ២០២២មក GTV MOTOR តែងតែផ្តោតនិងយកចិត្តទុកដាក់យ៉ាងខ្លាំង លើការច្នៃប្រឌិតបច្ចេកវិទ្យា ដោយបង្កើតបាននូវ GTV Automotive និង វិទ្យាស្ថានស្រាវជ្រាវអេឡិចត្រូនិក Electronics Research Institute (AERI) ដែលវិទ្យាស្ថានទាំងនោះមាននៅប្រទេស កម្ពុជា អាល្លឺម៉ង់ ចិន ជប៉ុន និងសិង្ហបុរី ទាំងនេះជាកត្តាប្រវត្តិសាស្ត្រមួយ ឈានដល់ការបង្កើតនូវិ វិទ្យាស្ថានស្រាវជ្រាវិនិងការអភិវិឌ្ឍន៍ (R&D), ដោយហេតុដូចនេះធ្វើអោយ GTV MOTOR បានបង្កើតដោយ ជោគជ័យនូវម៉ូឌែលដែលមានគុណភាពខ្ពស់ជាច្រើនប្រភេទរួមមាន ប្រភេទ Pickups, SUVs, Sedans, MPVs និង Trucks ជាដើម។
វិទ្យាស្ថានស្រាវជ្រាវវិស្វកម្មយានយន្តកម្ពុជា ដែលបានសហការជាមួយវិទ្យាស្ថានជាតិពហុបច្ចេកទេសកម្ពុជា សាកលវិទ្យាល័យបច្ចេកវិទ្យា Chongqing, KC GROUP, TSARI-CQUT Institute of Intelligent Automotive Technology, Kaiyi Auto, SOL Auto, Sinotruk, Volkswagen ជាដើម។
GTV AERI មានគោលបំណងសិក្សាលើបច្ចេកវិទ្យាយានយន្ត និងផ្តល់ការបណ្តុះបណ្តាលវិជ្ជាជីវៈកម្រិតខ្ពស់សម្រាប់ការអភិវឌ្ឍន៍ឧស្សាហកម្មរថយន្តកម្ពុជា។ បច្ចុប្បន្ននេះវិទ្យាស្ថានបាននិងកំពុងជ្រើសរើសនិស្សិតថ្នាក់អនុបណ្ឌិតចូលមកមកសិក្សាផងដែរ៕
