ព្រឹត្តិការណ៍ប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន (Hun Sen Cup) ជើងឯកថ្នាក់ជាតិ រដូវកាលឆ្នាំ២០២៣-២៤ បានធ្វើដំណើរដល់វគ្គជម្រុះ១៦ក្រុមចុងក្រោយហើយ ស្របពេលដែលកីឡាករចំនួន៤៦៤នាក់ ត្រូវបានក្រុមទាំង១៦ ចុះបញ្ជីដាក់អោយត្រៀមប្រកួតតាមប្រកួតនីមួយៗរបស់ខ្លួន។
នៅក្នុងចំណោមកីឡាករទាំង៤៦៤នាក់នេះ មានកីឡាករចំនួន១១នាក់មានអាយុច្រើនជាងគេ គិតត្រឹមថ្ងៃប្រកួតដំបូង ១០ មករា ២០២៤ កន្លងទៅ។ កីឡាករទាំង១១នាក់នោះមាន៖
១) កាំង សេន របស់ ISI ដង្កោសែនជ័យ មានអាយុ៣៩
២) ចាន់ សាឌីន របស់ខេត្តកំពង់ចាម មានអាយុ៣៦ឆ្នាំ
៣) គួច សុកុម្ភះ របស់ណាហ្គាវើល មានអាយុ៣៦ឆ្នាំ
៤) បឿន រដ្ឋា របស់អង្គរស៊ីធី មានអាយុ៣៤ឆ្នាំ
៥) ពៅ ភារិទ្ធ របស់សមាគមក្រសួងមហាផ្ទៃ មានអាយុ៣៤ឆ្នាំ
៦) MARCUS WARREN HABER ជនជាតិកាណាដា របស់ព្រះខ័នរាជស្វាយរៀង មានអាយុ៣៤ឆ្នាំ
៧) លី អាណាវី របស់ខេត្តកំពង់ចាម មានអាយុ៣៣ឆ្នាំ
៨) ម៉ើល ចាន់រ៉ា របស់ខេត្តត្បូងឃ្មុំ មានអាយុ៣៣ឆ្នាំ
៩) ឡេង មករា របស់ណាហ្គាវើល មានអាយុ៣៣ឆ្នាំ
១០) TACHIBANA YUSUKE ជនជាតិជប៉ុន របស់បឹងកេត មានអាយុ៣៣ឆ្នាំ
១១) ELSAYED MAHMAOUD ELSAYED ABDELFATTAH ជនជាតិអេហ្ស៊ីប របស់គីរីវង់សុខសែនជ័យ
ពានរង្វាន់ Hun Sen Cup 2023-24 ជើងឯកថ្នាក់ជាតិ បែងចែកការប្រកួតជា២វគ្គគឺវគ្គជម្រុះថ្នាក់ជាតិ និងវគ្គថ្នាក់ជាតិ ដោយប្រកួតពីថ្ងៃទី២៧ ខែធ្នូ ឆ្នាំ២០២៣ ដល់ថ្ងៃទី២៨ ខែមេសា ឆ្នាំ២០២៤។
បើគិតពីការប្រកួតដំបូងក្នុងឆ្នាំ២០០៧ មកឃើញថាមានក្រុមចំនួន៨ ធ្លាប់ដណ្តើមបានជើងឯកពានរង្វាន់ Hun Sen Cup ក្នុងនោះក្រុមព្រះខ័នរាជស្វាយរៀង ឈ្នះបាន៤លើក កងយោធពលខេមរភូមិន្ទ ឈ្នះបាន៣លើក ដូចគ្នានឹងវិសាខា ស្របពេលក្រុមភ្នំពេញក្រោន ធ្លាប់ឈ្នះបាន២លើក។ ចំណែកក្រុមដែលឈ្នះបានចំនួន១សម័យកាលមានដូចជាណាហ្គាវើល, សមាគមកីឡាក្រសួងមហាផ្ទៃ, បឹងកេត និងខេមរាកីឡា៕