លោក ស៊ុក សុភា តារាសម្ដែងដ៏ល្បីល្បាញក្រោយបានទទួលដំណឹងថាលោក តា រិទ្ធ សារី វ័យខ្ទង់៨០ឆ្នាំ ដែលជាតារាសម្ដែងជើងចាស់ល្បីមួយរូបធ្លាក់ខ្លួនឈឺ អតីតតារាសម្ដែងរូបនេះបានអំពាវនាវរកជំនួយពីបងប្អូនសប្បុរសជននៅប្រទេសប្រទេស។
(រូបភាព) ក្រោយដឹងដំណឹងឈឺធ្ងន់របស់លោកតា រិទ្ធិ សារី តារាភាពយន្តជើងចាស់ លោក ស៊ុក សុភា បានប្រញាប់ចេញមកប្រកាសនៅលើបណ្ដាញសង្គម ស្វែងរកជំនួយសប្បុរសធម៌ជួយដល់លោកតាតាមរយៈរូបលោក។
បន្ទាប់ពីការផុសលើកដំបូងកាលពីថ្ងៃទី៧ ខែសីហា ឆ្នាំ២០២១ នៅពេលនេះមានសប្បុរសជនជាច្រើនដែលអាណិតចំពោះលោកតារិទ្ធិសារីបានចូលរួមផ្ដល់ជំនួយដល់លោកតាមតារាចម្រៀងរូបនេះជាច្រើនសរុបមកដល់ពេលនេះមានចំនួនជិត ១ពាន់ដុល្លារអាមេរិកហើយ។ ក្នុងនោះរួមមាន៖ អតីតថៅកែផលិតកម្មឆ្លងដែន ថវិកា ៥០០ដុល្លារ (Tonyson Tong) , អ្នកនាង ស៊ីថា ហេង ១០០ ដុល្លារអូស្ត្រាលី,អ្នកស្រី រតនៈ រង្សីនិងស្វាមី ៣០០ដុល្លារ និងអ្នកនាង គ្រីស្នា អេលីហ្ស ចំនួន៥០ដុល្លារអូស្ត្រាលី។
គួរដឹងថា បច្ចុប្បន្នលោកតា រិទ្ធ សារី មានវ័យខ្ទង់៨០ឆ្នាំ កំពុងរស់នៅចិញ្ចឹមចៅតូចៗពីរនាក់ ព្រោះឪពុកម្ដាយរបស់ចៅៗចេញទៅធ្វើការនៅប្រទេសថៃ ហើយជាប់គាំងនៅទីនោះ ដោយសារតែកូវីដ-១៩ ទើបធ្វើឱ្យជីវភាពលោកមានបញ្ហាខ្វះខាត ម្យ៉ាងដោយសារវ័យជ្រេផងទើបធ្វើឱ្យលោកមានជំងឺប្រចាំ។
ទស្សនាវីដេអូព័ត៌មានខាងក្រោមនេះ៖
