សិល្បៈជាតិ៖ លោក អ៊ិន សុភិន បានសារភាពនៅចំពោះមុខកងទ័ពអ្នកសារព័ត៌មានច្រើននាក់ថា ការនាំយកកម្មវិធី Miss Global International ឆ្នាំ ២០២៣ មករៀបចំនៅប្រទេសកម្ពុជា គឺពិតជាធ្វើឱ្យលោករងសម្ពាធផ្លូវចិត្តយ៉ាងខ្លាំង រហូតដល់ពេលខ្លះលោកទប់មិនជាប់ហើយសម្រស់ទឹកភ្នែកស្ងាត់ស្ងៀមតែម្នាក់ឯង បើទោះជាដេកក៏ដេកមិនលក់ហើយបក់មិនល្ហើយ ដើម្បីរកគំនិតរៀបចំកម្មវិធីអន្តរជាតិមួយនេះឱ្យប្រព្រឹត្តិទៅបានយ៉ាងរលូន និងជោគជ័យមានការគាំទ្រ។
បើទោះបីជាមានបទពិសោធន៍រៀបចំការប្រកួតសម្រស់អន្តរជាតិធំៗ តែលោក អ៊ិន សុភិន នៅតែទទួលស្គាល់ថា កម្មវិធី Miss Global ឆ្នាំ ២០២៣ មិនងាយស្រួលធ្វើដូចការគិតដែលមើលតែនឹងភ្នែកនោះទេ។
សូមជម្រាបថា កម្មវិធី Miss Global International ឆ្នាំ ២០២៤ គឺនឹងរៀបចំឡើងនៅប្រទេសកម្ពុជាដដែលក្នុងនាមជាម្ចាស់ផ្ទះ ក្រោយការៀបចំរបស់លោក អ៊ិន សុភិន ហើយលោកបានសន្យាថា នឹងធ្វើឱ្យកម្មវិធីមួយនេះ កាន់តែអស្ចារ្យ កាន់តែលើកស្ទួយមុខមាត់ជាតិ អត្តសញ្ញាណជាតិ ឱ្យសមនឹងពាក្យស្លោកដែលនិយាយថា «ខ្មែរអាចធ្វើបាន»៕