សមាជិករបស់ក្លិបបាល់ទះវិសាខា គឺកីឡាករ សួន ចាន់ណារ៉ូ បានបង្ហាញអារម្មណ៍លើគណនី Facebook ពីក្តីព្រួយបារម្ភមុនពេលប៉ះអង្គរក្ស នៅចុងសប្តាហ៍នេះ។
«មិនដឹងម៉េចម៉ាទេខ្ញុំ» អ្នកលើកបាល់ដ៏មានប្រជាប្រិយភាព រូបនេះបានសរសេរលើគណនី Facebook ក្នុងប្រព័ន្ធសាច់រឿង (Story) របស់ខ្លួនកាលពីរាត្រីថ្ងៃទី២៤ ខែមករា ឆ្នាំ២០២៤ កន្លងទៅ ពោលគឺមុនប៉ះក្រុមបញ្ជាការដ្ឋានអង្គរក្ស ៣ថ្ងៃ។
សូមរំលឹកដែរថា កាលពីពេលកន្លងទៅ សួន ចាន់ណារ៉ូ ក៏ធ្លាប់ឆ្លើយតបប្រាប់អ្នកគាំទ្រថាក្លិបបាល់ទះវិសាខា ថា ទៅអត់រួចជាមួយ (សមាគមបាល់ទះក្រសួងមហាផ្ទៃ និង ក្លិបបាល់ទះបញ្ជាការដ្ឋានកងអង្គរក្ស) ទេ។
ស្របពេលដែលកីឡាករ គួន ម៉ុម បានថ្លែងប្រាប់សារព័ត៌មានត្រយងថាឆ្នាំនេះវិសាខា សង្ឃឹម៧០% មូលហេតុគឺដោយសារក្រុមខ្លួនបាត់ស្មាត់ធំម្នាក់គឺកីឡាករ វឿន វាសនា ស្របពេល Libero ខឹម សុវណ្ណដារ៉ា មានបញ្ហារបួស ACL ខណៈក្រុមដែលពិបាកខ្លាំងឆ្នាំនេះគឺ សមាគមបាល់ទះក្រសួងមហាផ្ទៃ និង ក្លិបបញ្ជាការដ្ឋានអង្គរក្ស ដោយសារពួកគេនាំចូលកីឡាករបរទេសល្អៗ។
ដូចដែលប្រិយមិត្តបានជ្រាបហើយថា សមាគមកីឡាបាល់ទះ ក្រសួងមហាផ្ទៃ មាននាំចូលកីឡាករបទេសជនជាតិវៀតណាមចំនួន ៣នាក់៖
- កីឡាករលេខ១៩ ថាម ថោវ ឃុង សញ្ជាតិវៀតណាម
- កីឡាករលេខ២១ ឈើ ខ្វូច វូវីត សញ្ជាតិវៀតណាម
- កីឡាករលេខ២០ ត្រាន ឌូច ហាញ់ សញ្ជាតិវៀតណាម
ណៈក្លិបបញ្ជាការដ្ឋានអង្គរក្ស បាននាំចូលកីឡាករបរទេស ជនជាតិឥណ្ឌូនេស៊ីចំនួន ៤នាក់រួមមាន៖
- កីឡាករលេខ៧ Doni Haryono សញ្ជាតិឥណ្ឌូណេស៊ី
- កីឡាករលេខ១៥ Dio Zulfikri សញ្ជាតិឥណ្ឌូណេស៊ី
- កីឡាករលេខ៤ I Gede Wira Yudha សញ្ជាតិឥណ្ឌូណេស៊ី
- កីឡាករលេខ២១ Luvi Febrian Nugraha សញ្ជាតិឥណ្ឌូណេស៊ី។
ទោះជាយ៉ាងណាក្តី បើគិតត្រឹមការប្រកួតទាំង៥ប្រកួតពេញរបស់ក្រុមវិសាខា គឺមិនទាន់ស្គាល់ពាក្យថា ចាញ់១សិតណាឡើយ ពោលគឺ៥ប្រកួតរបស់វិសាខា គឺបានយកឈ្នះ ក្រុមទាំង៥ផ្សេងទៀត ក្នុងលទ្ធផល ៣ទល់នឹង០ តែម្កង កំពុងឈរនៅកំពូលតារាងមាន១៥ពិន្ទុ។
ខណៈក្រុមបញ្ជាការដ្ឋានអង្គរក្ស ៥ប្រកួតមកនេះ ទោះជាឈ្នះទាំង៥ក៏ពិតមែន តែក្រុមដែលមានសមាជិកកីឡាករឥណ្ឌូណេស៊ី យកឈ្នះលើដៃគូ ដោយលទ្ធផល ៣ទល់នឹង០ បានតែមួយប្រកួតទេ ក្រៅពីនោះយកឈ្នះដោយលទ្ធផល ៣ទល់នឹង១ ចំនួន២ប្រកួត និង ៣ទល់នឹង២ ចំនួន២ប្រកួត។
កម្មវិធីប្រកួតថ្ងៃទី២៦,២៧ ខែមករា ឆ្នាំ២០២៤
ព្រឹត្តិការណ៍កីឡាបាល់ទះ «តេជោលីគ» រដូវកាល ២០២៣-២០២៤ មាន៨ក្រុមចូលរួម ចាប់ផ្តើមពីថ្ងៃទី១២ ខែមករា ដល់ថ្ងៃទី១៨ ខែមីនា ឆ្នាំ២០២៤ ដោយប្រកួតរៀងរាល់ថ្ងៃ សុក្រ-សៅរ៍ និងថ្ងៃអាទិត្យ នៅសាលវិមាននៃពហុកីឡដ្ឋានជាតិ ផ្សាយផ្ទាល់លើផេកសារព័ត៌មានត្រយង៕