Marcus Warren Haber របស់ព្រះខ័នរាជស្វាយរៀង គឺជាកីឡាករតែម្នាក់គត់ដែលអាចរកគ្រាប់បាល់បានច្រើនជាងគេ រហូតដល់ ២២គ្រាប់ម្នាក់ឯក ឆ្លងកាត់ ១៨សប្ដាហ៍ នៃពានរង្វាន់លីគកំពូលកម្ពុជា Camobodian Premier League រដូវកាលឆ្នាំ២០២៣-២៤។
ក្នុងនោះដែរខ្សែប្រយុទ្ធ Marcus Haber ក៏ជាកីឡាករដែលតែតបញ្ជូលទី១២គ្រាប់ ក្នុងចំណោម ២២គ្រាប់ ក្រោយកាន់តែដាច់ឆ្ងាយកំពូលតារាង Top Scores ដោយតាមពីក្រោយដោយកីឡាករ Shimizu Shintaro របស់ភ្នំពេញក្រោន តែតបញ្ចូលទីបានចំនួន ៥គ្រាប់។
ក្នុងនោះមានតែកីឡាករបរទេស ៤រូបប៉ុណ្ណោះដែលអាចស៊ុតបញ្ចូលទីគូប្រកួតបាន១០គ្រាប់ឡើង៖
កីឡាករ Marcus Warren Haber របស់ព្រះខ័នរាជស្វាយរៀង ស៊ុតបញ្ចូលទីបាន ២២គ្រាប់
កីឡាករ Shimizu Shintaro របស់ភ្នំពេញក្រោន ស៊ុតបញ្ចូលទីបាន ១២គ្រាប់
កីឡាករ Yoshihama Ryohei របស់បឹងកេត ស៊ុតបញ្ចូលទីបាន ១០គ្រាបើ
កីឡាករ Rafael Andres Nieto Rondon របស់ភ្នំពេញក្រោន ស៊ុតបញ្ចូលទីបាន ១០គ្រាប់
ខណ: បច្ចុប្បន្នគិតត្រឹមសប្ដាហ៍ទី១៨ ព្រះខ័នរាជស្វាយរៀង ភ្នំពេញក្រោន វិសាខា និងបឹងកេត កំពុងឈរនៅតំណែង Top 4 (ក្រុមកំពូលទាំង៤) នៅសប្ដាហ៍ទី១៨ នៃការប្រកួតពានរង្វាន់ Cambodian Premier League រដូវកាលឆ្នាំ ២០២៣/២០២៤។
ការប្រកួតពានរង្វាន់លីគកំពូលកម្ពុជា (Cambodian Premier League) រដូវកាលឆ្នាំ២០២៣ មាន១០ក្រុមដែលជាសមាជិក ប្រើប្រាស់រូបមន្តប្រកួតវិលជុំសន្សំពិន្ទុចំនួន ៣ជុំ ក្រុមដែលមានចំណាត់ថ្នាក់លេខ១ដល់៤ (Top 4) នឹងឡើងទៅវគ្គពាក់កណ្តាលផ្តាច់ព្រ័ត្រ រួចបន្តប្រកួតដល់ជុំផ្តាច់ព្រ័ត្រ៕