ប្រកួតទី២១ ដែលជាជំនួបទី៦ របស់ អង្គរក្ស ត្រូវប៉ះ វិសាខា ដែលអ្នកគាំទ្រចាត់ទុកជាជំនួបប្រកួត Classic Match នឹងចាប់ផ្ដើមនៅ វេលាម៉ោង ១:០០នាទីរសៀល ថ្ងៃសុក្រ ទី២៦ ខែមករា ឆ្នាំ២០២៤ នេះ ក្នុងកម្មវិធីប្រកួតកីឡាបាល់ទះ«តេជោលីគ» (Techo Volleyball Cambodia League) រដូវកាល២០២៤ វគ្គជម្រុះជុំទី១។
តើ អង្គរក្ស ឬ វិសាខា ដែលអាចបញ្ឈប់ការឈ្នះរបស់ក្រុមគូប្រកួតខ្លួនបាននៅរសៀលនេះ? មុនប៉ះគ្នានៅតេជោលីគ នៅរសៀលនេះ បញ្ជារការដ្ឋានអង្គរក្ស កំពុងឈរលេខ២ ក្នុងតារាងបណ្ដោះអាសន្ន នាមជាក្រុមមិនទាន់បរាជ័យ ដូចគ្នាក្នុងជំនួបជាមួយ ៥ក្រុមកន្លមក ក្នុងនោះមានដូចខាងក្រោម៖
-ប្រកួតទី១៖ បញ្ជារការដ្ឋានអង្គរក្ស ៣-០ ន.ប ខេត្តព្រះសីហនុ (២៥-១៥,២៥-១៥,២៥-១៩)
-ប្រកួតទី២៖ បញ្ជារការដ្ឋានអង្គរក្ស ៣-១ កងពលធំអន្តរាគមន៍លេខ៣ (២៣-២៥,២៥-១៨,២៥-១៨, ២៥-២១)
-ប្រកួតទី៣៖ សមាគមក្រសួងមហាផ្ទៃ ២-៣ បញ្ជារការដ្ឋានអង្គរក្ស (១៥-២៥,៤៣-៤១,២២-២៥,៩-១៥)
-ប្រកួតទី៤៖ ន.ប ខេត្តពោធិ៍សាត់ ១-៣ បញ្ជារការដ្ឋានអង្គរក្ស (២៣-២៥,២១-២៥,៣៥-៣៣,១៤-២៥)
-ប្រកួតទី៥៖ ន.ប រាជធានីភ្នំពេញ ២-៣ បញ្ជារការដ្ឋានអង្គរក្ស (២៣-២៥,១៩-២៥,២៥-២១,២១-២៣)
ដោយឡែកសម្រាប់សមាគមបាល់ទះវិសាខា ៥ប្រកួត ឈ្នះដៃគូ ដោយលទ្ធផល ៣-០ ទាំង ៥ ខណៈបញ្ជាការដ្ឋានអង្គរក្សវិញ ៥ប្រកួត ឈ្នះទាំង ៥ ដូចគ្នាគ្រាន់តែអង្គរក្សឈ្នះ ដៃគូដោយ ៣-០ តែមួយប្រកួតប៉ុណ្ណោះ និងឈ្នះដៃគូដោយ ៣-១ និង ៣-២ ចំនួន ២ប្រកួត។
សមាគមបាល់ទះវិសាខា កំពុងឈរកំពូលតារាងបណ្ដោះអាសន្ន នាមជាក្រុមមិនទាន់បរាជ័យសម្បី ១សិតសោះ ក្នុងជំនួបជាមួយ ៥ក្រុមកន្លមក ក្នុងនោះមានដូចខាងក្រោម៖
-ប្រកួតទី១៖ វិសាខា ៣-០ ន.ប ខេត្តកណ្ដាល (២៥-១៤,២៥-១៨,២៥-១២)
-ប្រកួតទី២៖ ន.ប ខេត្តពោធិ៍សាត់ ០-៣ វិសាខា (១៦-២៥,២៣-២៥,១២-២៥)
-ប្រកួតទី៣៖ វិសាខា ៣-០ ន.ប ខេត្តព្រះសីហនុ (២៥-១៣,២៥-១៩,២៥-១៩)
-ប្រកួតទី៤៖ ន.ប រាជធានីភ្នំពេញ ០-៣ វិសាខា (១៩-២៥,១៣-២៥,២០-២៥)
-ប្រកួតទី៥៖ វិសាខា ៣-០ កងពលធំអន្តរាគមន៍លេខ៣ (២៥-២២,២៥-១៥,២៥-២៣)
កម្មវិធីប្រកួត ជម្រុះជុំទី១ ថ្ងៃសុក្រ ទី២៦-២៧ ខែមករា ឆ្នាំ២០២៤៖
ព្រឹត្តិការណ៍ប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាល២០២៤ បានចាប់ផ្តើមប្រកួតជាផ្លូវការនៅថ្ងៃទី១៣ ខែមករា រហូតដល់ថ្ងៃទី១៨ ខែមីនា ឆ្នាំ២០២៤ ដោយប្រកួតរៀងរាល់ថ្ងៃ សុក្រ-សៅរ៍ និងថ្ងៃអាទិត្យ នៅសាលវិមាននៃពហុកីឡដ្ឋានជាតិ (ស្តាតអូឡាំពិក)។
សមាសភាពក្លិប/សមាគមដែលបានចូលរួមជាផ្លូវការ «តេជោលីគ» រដូវកាល ២០២៤ ចំនួន៨ រួមមាន៖
១) សមាគមបាល់ទះវិសាខា
២) សមាគមកីឡាបាល់ទះ ក្រសួងមហាផ្ទៃ
៣) ក្លិបបញ្ជាការដ្ឋានអង្គរក្ស
៤) ក្លិបកងពលធំ អន្តរាគមន៍លេខ៣
៥) ក្លិបកីឡាបាល់ទះ ស្នងការដ្ឋាននគរបាលរាជធានីភ្នំពេញ
៦) ក្លិបកីឡាបាល់ទះ ខេត្តព្រះសីហនុ
៧) ក្លិបស្នងការដ្ឋាននគរបាល ខេត្តពោធិ៍សាត់
៨) ក្លិបស្នងការដ្ឋាននគរបាល ខេត្តកណ្តាល។
ចំពោះរូបមន្តនៃការប្រកួតត្រូវបានចែកជា៣ជុំមាន៖
-ជុំទី១៖ ក្រុមទាំង ៨ប៉ះគ្នាចំនួន ១ជើង
-ជុំទី២៖ ក្រុមលេខ១ ដល់ ៦ (ចំណាត់ថ្នាក់ជុំទី១) ប៉ះគ្នាជំនួន១ជុំទៀត
-ជុំទី៣៖ ក្រុមលេខ១ ប៉ះ លេខ៣ ក្រុម លេខ២ ប៉ះ លេខ៤ (ចំណាត់ថ្នាក់ជុំទី២)៕