សិល្បៈជាតិ៖ សារព័ត៌មានត្រយងជឿថា ហ្វេនអ្នកគាំទ្រ ក៏ដូចជាមហាជនអ្នកតាមដានបណ្ដាញសង្គមច្បាស់ជាស្គាល់ Influencer ល្បីឈ្មោះម្នាក់ និងពូកែវោហាស័ព្ទផ្ដល់ពាក្យលើកទឹកចិត្តជូនស្ដ្រីៗទាំងនៅលើ TikTok ហ្វេសប៊ុក IG នោះគឺ Alexza Mou ដែលថ្មីៗនេះអ្នកនាងបានចូលខ្លួនមកបកស្រាយរឿងរ៉ាវជីវិតពិត ក៏ដូចជាការតស៊ូនៅក្នុងជីវិតជម្នះឧសគ្គមុខជំនួញធំដោយខ្លួនឱ្យប្រិយមិត្តសារព័ត៌មានត្រយងបានជ្រាបដឹងបន្ថែម។
ជាការពិតណាស់ មុនពេលមានជីវភាពធូធារ ស្លៀកពាក់ហាយសូ និងមានកេរ្ដិ៍ឈ្មោះល្បីល្បាញនៅលើបណ្ដាញសង្គមក៏ដូចជាសង្គមសិល្បៈដូចសព្វថ្ងៃនេះ អ្នកនាង Alexza Mou ក៏ធ្លាប់បានឆ្លងកាត់ពាក្យនិន្ទាមើលងាយពីមាត់អ្នកដទៃ រហូតធ្វើឱ្យអ្នកនាងតាំងជំហរចិត្តថា អ្នកនាងនឹងធ្វើឱ្យពាក្យប្រមាថទាំងអស់នោះក្លាយជាការសម្រេចជោគជ័យនៃការបង្កើតស្នាដៃផលិតផលិតផលកូនខ្មែរមួយដែលមានស្ដង់ដាទទួលស្គាល់ពីអន្តរជាតិ។
សូមជម្រាបថា ក្រៅតំណាងឱ្យស្ត្រីដែលខ្លាំងទាំងទ្រឹស្ត្រីលើកទឹកចិត្តស្ត្រីនៅលើអនឡាញន៍ហើយនោះ អ្នកនាង Alexza Mou ត្រូវបានហ្វេនអ្នកគាំទ្រទទួលស្គាល់ថា ជាស្ត្រីដែលចិត្តធំដែលហ៊ានបង្កើតផលិតផលដែលមានគុណភាពខ្ពស់យកមកចរាចរទីផ្សារក្នុងតម្លៃសមរម្យ និងផ្ដោតសំខាន់លើការដោះស្រាយបញ្ហាស្បែកឱ្យមានសុខភាពល្អថែមទៀតផង។
ចួបសម្ភាសផ្ទាល់ជាមួយអ្នកសារព័ត៌មានត្រយង និងបណ្ដាអ្នកសារព័ត៌មានជាច្រើននាក់ទៀត Influencer ល្បីរូបនេះបានទម្លាយសាវតារពិតរបស់ខ្លួនឱ្យមានអ្នកគាំទ្របានដឹងតាមរយៈព័ត៌មានលម្អិតខាងក្រោមនេះ៖