សមាគមបាល់ទះវិសាខា នៅតែបន្តកំណត់ត្រាឈ្នះគ្រប់ការប្រកួតរបស់ខ្លួន ដោយមិនចាញ់សម្បី១សិតក្រោយបន្តឈ្នះបញ្ជាការដ្ឋានអង្គរក្ស ក្នុងកម្មវិធីប្រកួតកីឡាបាល់ទះ«តេជោលីគ» (Techo Volleyball Cambodia League) រដូវកាល២០២៤ វគ្គជម្រុះជុំទី១ នៅរសៀល ថ្ងៃសុក្រ ទី២៦ ខែមករា ឆ្នាំ២០២៤។
ដោយសមាគមបាល់ទះវិសាខា បានយកឈ្នះក្លិបបញ្ជាការដ្ឋានអង្គរក្ស ក្នុងលទ្ធផល ៣សិតទល់និង០ (២៥-២៣, ២៥-២២, ២៥-២៥១៤) ដោយមិនអោយតដៃរួច។ ដូចនេះសម្រាប់សមាគមបាល់ទះវិសាខា ៦ប្រកួត ឈ្នះដៃគូ ដោយលទ្ធផល ៣-០ ទាំង ៦ បន្តឈរកំពូលតារាងបណ្ដោះអាសន្ន នាមជាក្រុមមិនទាន់បរាជ័យសម្បី ១សិតសោះ ក្នុងនោះមានដូចខាងក្រោម៖
-ប្រកួតទី១៖ វិសាខា ៣-០ ន.ប ខេត្តកណ្ដាល (២៥-១៤,២៥-១៨,២៥-១២)
-ប្រកួតទី២៖ ន.ប ខេត្តពោធិ៍សាត់ ០-៣ វិសាខា (១៦-២៥,២៣-២៥,១២-២៥)
-ប្រកួតទី៣៖ វិសាខា ៣-០ ន.ប ខេត្តព្រះសីហនុ (២៥-១៣,២៥-១៩,២៥-១៩)
-ប្រកួតទី៤៖ ន.ប រាជធានីភ្នំពេញ ០-៣ វិសាខា (១៩-២៥,១៣-២៥,២០-២៥)
-ប្រកួតទី៥៖ វិសាខា ៣-០ កងពលធំអន្តរាគមន៍លេខ៣ (២៥-២២,២៥-១៥,២៥-២៣)
-ប្រកួតទី៦៖ ក្លិបបញ្ជាការដ្ឋានអង្គរក្ស ០-៣ វិសាខា (២៣-២៥,២៣-២៥,១៤-២៥)
ដោយឡែកសម្រាប់ក្លិបបញ្ជារការដ្ឋានអង្គរក្ស បានបរាជ័យក្រោមថ្វីដៃរបស់ សមាគមបាល់ទះវិសាខា ដូចនេះ៦ប្រកួត ឈ្នះ ៥ ចាញ់ ១ ដោយលទ្ធផលឈ្នះ ៣-០ តែមួយប្រកួត និងឈ្នះដៃគូដោយ ៣-១ និង ៣-២ ចំនួន ២ប្រកួត និងចាញ់ ៣-០ មួយប្រកួត។ ក្នុងជំនួបជាមួយ ៦ក្រុមកន្លមក ក្នុងនោះមានដូចខាងក្រោម៖
-ប្រកួតទី១៖ បញ្ជារការដ្ឋានអង្គរក្ស ៣-០ ន.ប ខេត្តព្រះសីហនុ (២៥-១៥,២៥-១៥,២៥-១៩)
-ប្រកួតទី២៖ បញ្ជារការដ្ឋានអង្គរក្ស ៣-១ កងពលធំអន្តរាគមន៍លេខ៣ (២៣-២៥,២៥-១៨,២៥-១៨, ២៥-២១)
-ប្រកួតទី៣៖ សមាគមក្រសួងមហាផ្ទៃ ២-៣ បញ្ជារការដ្ឋានអង្គរក្ស (១៥-២៥,៤៣-៤១,២២-២៥,៩-១៥)
-ប្រកួតទី៤៖ ន.ប ខេត្តពោធិ៍សាត់ ១-៣ បញ្ជារការដ្ឋានអង្គរក្ស (២៣-២៥,២១-២៥,៣៥-៣៣,១៤-២៥)
-ប្រកួតទី៥៖ ន.ប រាជធានីភ្នំពេញ ២-៣ បញ្ជារការដ្ឋានអង្គរក្ស (២៣-២៥,១៩-២៥,២៥-២១,២១-២៣)
-ប្រកួតទី៦៖ ក្លិបបញ្ជាការដ្ឋានអង្គរក្ស ០-៣ វិសាខា (២៣-២៥,២៣-២៥,១៤-២៥)
កម្មវិធីប្រកួត ជម្រុះជុំទី១ ថ្ងៃសៅរ៍ ២៧ ខែមករា ឆ្នាំ២០២៤៖
ព្រឹត្តិការណ៍ប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាល២០២៤ បានចាប់ផ្តើមប្រកួតជាផ្លូវការនៅថ្ងៃទី១៣ ខែមករា រហូតដល់ថ្ងៃទី១៨ ខែមីនា ឆ្នាំ២០២៤ ដោយប្រកួតរៀងរាល់ថ្ងៃ សុក្រ-សៅរ៍ និងថ្ងៃអាទិត្យ នៅសាលវិមាននៃពហុកីឡដ្ឋានជាតិ (ស្តាតអូឡាំពិក)។
សមាសភាពក្លិប/សមាគមដែលបានចូលរួមជាផ្លូវការ «តេជោលីគ» រដូវកាល ២០២៤ ចំនួន៨ រួមមាន៖
១) សមាគមបាល់ទះវិសាខា
២) សមាគមកីឡាបាល់ទះ ក្រសួងមហាផ្ទៃ
៣) ក្លិបបញ្ជាការដ្ឋានអង្គរក្ស
៤) ក្លិបកងពលធំ អន្តរាគមន៍លេខ៣
៥) ក្លិបកីឡាបាល់ទះ ស្នងការដ្ឋាននគរបាលរាជធានីភ្នំពេញ
៦) ក្លិបកីឡាបាល់ទះ ខេត្តព្រះសីហនុ
៧) ក្លិបស្នងការដ្ឋាននគរបាល ខេត្តពោធិ៍សាត់
៨) ក្លិបស្នងការដ្ឋាននគរបាល ខេត្តកណ្តាល។
ចំពោះរូបមន្តនៃការប្រកួតត្រូវបានចែកជា៣ជុំមាន៖
-ជុំទី១៖ ក្រុមទាំង ៨ប៉ះគ្នាចំនួន ១ជើង
-ជុំទី២៖ ក្រុមលេខ១ ដល់ ៦ (ចំណាត់ថ្នាក់ជុំទី១) ប៉ះគ្នាជំនួន១ជុំទៀត
-ជុំទី៣៖ ក្រុមលេខ១ ប៉ះ លេខ៣ ក្រុម លេខ២ ប៉ះ លេខ៤ (ចំណាត់ថ្នាក់ជុំទី២)៕