សមាគមបាល់ទះវិសាខា នឹងត្រូវត្រូវការពារតំណែងមិនចាញ់សោះរបស់ខ្លួន ក្នុងជំនួបប៉ះសមាគមក្រសួងមហាផ្ទៃ នៅប្រកួទី២៨ ដែលជាជំនួបទី៧ របស់ក្រុមទាំង២ ក្នុងវគ្គជម្រុះជុំទី១ ថ្ងៃ២៧ មករានេះ។ តើសមាគមក្រសួងមហាផ្ទៃ អាចបំបែកកំណតត្រាមិនចាញ់សោះសូម្បី១សិត របស់វិសាខា បានឬយ៉ាណា?
ដូចនេះប្រិយមិត្ត កុំភ្លេចចូលរួលទស្សនាផ្ទាល់ នៅទីតាំង ក្នុងសាលនៃពហុកីឡដ្ឋានជាតិ (ស្តាតអូឡាំពិក) រាជធានីភ្នំពេញ ចូលរួមទស្សនាដោយសេរី ដោយការប្រកួត នឹងចាប់ផ្ដើមពីម៉ោង ១:០០នាទីថ្ងៃតទៅ។ ក្នុងនោះកម្មវិធីប្រកួតមានដូចខាងក្រោម៖
នៅថ្ងៃទី២៧ មករានេះ គឺជាជំនួនកាត់សេចក្ដីថ្ងៃចុងក្រោយ ដើម្បីរកឃើញក្រុមទាំង ៦ដែលត្រូវឡើងទៅកានជុំទី២ និង ២ក្រុមដែលត្រូវធ្លាក់ចេញ ពីកម្មវិធីប្រកួតកីឡាបាល់ទះ«តេជោលីគ» (Techo Volleyball Cambodia League) រដូវកាល២០២៤។
ព្រឹត្តិការណ៍ប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាល២០២៤ បានចាប់ផ្តើមប្រកួតជាផ្លូវការនៅថ្ងៃទី១៣ ខែមករា រហូតដល់ថ្ងៃទី១៨ ខែមីនា ឆ្នាំ២០២៤ ដោយប្រកួតរៀងរាល់ថ្ងៃ សុក្រ-សៅរ៍ និងថ្ងៃអាទិត្យ នៅសាលវិមាននៃពហុកីឡដ្ឋានជាតិ (ស្តាតអូឡាំពិក)។
សមាសភាពក្លិប/សមាគមដែលបានចូលរួមជាផ្លូវការ «តេជោលីគ» រដូវកាល ២០២៤ ចំនួន៨ រួមមាន៖
១) សមាគមបាល់ទះវិសាខា
២) សមាគមកីឡាបាល់ទះ ក្រសួងមហាផ្ទៃ
៣) ក្លិបបញ្ជាការដ្ឋានអង្គរក្ស
៤) ក្លិបកងពលធំ អន្តរាគមន៍លេខ៣
៥) ក្លិបកីឡាបាល់ទះ ស្នងការដ្ឋាននគរបាលរាជធានីភ្នំពេញ
៦) ក្លិបកីឡាបាល់ទះ ខេត្តព្រះសីហនុ
៧) ក្លិបស្នងការដ្ឋាននគរបាល ខេត្តពោធិ៍សាត់
៨) ក្លិបស្នងការដ្ឋាននគរបាល ខេត្តកណ្តាល។
ចំពោះរូបមន្តនៃការប្រកួតត្រូវបានចែកជា៣ជុំមាន៖
-ជុំទី១៖ ក្រុមទាំង ៨ប៉ះគ្នាចំនួន ១ជើង
-ជុំទី២៖ ក្រុមលេខ១ ដល់ ៦ (ចំណាត់ថ្នាក់ជុំទី១) ប៉ះគ្នាជំនួន១ជុំទៀត
-ជុំទី៣៖ ក្រុមលេខ១ ប៉ះ លេខ៣ ក្រុម លេខ២ ប៉ះ លេខ៤ (ចំណាត់ថ្នាក់ជុំទី២)៕
