ក្លិបស្នងការដ្ឋាននគរបាល ខេត្តពោធិ៍សាត់ ក្រោមការដឹកនាំរបស់លោក ពៅ ប៊ុណ្ណាន កំពុងបង្ហាញភាពភ្ញាក់ផ្អើល ក្រោយក្រុមនេះបានបន្តឈាន់ដល់វគ្គជម្រុះជុំទី២ នៅក្នុងការប្រកួតពានរង្វាន់កីឡាបាល់ទះ«តេជោលីគ» (Techo Volleyball Cambodia League) រដូវកាល២០២៣/២០២៤។
ដោយឆ្លងកាត់ការប្រកួតនៅវគ្គជម្រុះជុំទី១ ក្លិបស្នងការដ្ឋាននគរបាល ខេត្តពោធិ៍សាត់ ឈរនៅចំណាត់ថ្នាក់លេខ៦ មាន ៧ពិន្ទុ ចំពោះលទ្ធផល ៧ប្រកួតនៅវគ្គនេះមាន៖
- ប្រកួទី១៖ ចាញ់សមាគមក្រសួងមហាផ្ទៃ ៣-១ (សិតទី១ ២៥-២៧, សិតទី២ ២៥-២២, សិតទី៣ ២៥-២១, សិតទី៤ ២៥-២១)
- ប្រកួតទី២៖ ចាញ់សមាគមបាល់ទះវិសាខា ៣-០ (សិតទី១ ២៥-១៦, សិតទី២ ២៥-២៣, សិតទី៣ ២៥-១២)
- ប្រកួតទី៣៖ ចាញ់ក្លិនស្នងការដ្ឋាន ន.ប ភ្នំពេញ ៣-០ (សិតទី១ ២៥-១៣, សិតទី២ ២៥-២០, សិតទី៣ ២៥-២២)
- ប្រកួតទី៤៖ ចាញ់ក្លិបបញ្ជាការដ្ឋាអង្គរក្ស ៣-១ (សិតទី១ ២៥-២៣, សិតទី២ ២៥-២១, សិតទី៣ ៣៣-៣៥, សិតទី៤ ២៥-១៤)
- ប្រកួតទី៥៖ ឈ្នះក្លិបស្នងការ ន.ប ខេត្តកណ្ដាល ៣-០ (សិតទី១ ២៥-១៧, សិតទី២ ២៥-១៩, សិតទី៣ ២៥-២១)
- ប្រកួតទី៦៖ ឈ្នះក្លិបបាល់ទះខេត្តព្រះសីហនុ ៣-០ (សិតទី១ ២៥-១៨, សិតទី២ ២៥-២២, សិតទី៣ ២៥-២០)
- ប្រកួទី៧៖ ចាញ់កងពលធំអន្តរាគមន៍លេខ៣ ៣-២ (សិតទី១ ២៥-២០, សិតទី២ ១៥-២៥, សិតទី៣ ២៥-២០, សិតទី៤ ២០-២៥, សិតទី៥ ១០-១៥)
ឈានដល់ជុំទី២ មានក្លិប/សមាគម ៦ដូចជា៖
១) សមាគមបាល់ទះវិសាខា
២) សមាគមកីឡាបាល់ទះ ក្រសួងមហាផ្ទៃ
៣) ក្លិបបញ្ជាការដ្ឋានអង្គរក្ស
៤) ក្លិបកងពលធំ អន្តរាគមន៍លេខ៣
៥) ក្លិបកីឡាបាល់ទះ ស្នងការដ្ឋាននគរបាលរាជធានីភ្នំពេញ
៦) ក្លិបស្នងការដ្ឋាននគរបាល ខេត្តពោធិ៍សាត់
ដោយឆ្លងកាត់ការប្រកួតថ្ងៃទី១ ក្លិបស្នងការដ្ឋាននគរបាល ខេត្តពោធិ៍សាត់ បានបរាជ័យក្រោយថ្វីដៃរបស់សមាគមបាល់ទះវិសាខា ក្នុងលទ្ធផល ៣-០ (សិតទិ១ ២៦-២៤ សិទី២ ៣៣-៣១, សិតទី៣ ២៥-១៩)។
តារាងចំណាត់ថ្នាក់ ជុំទី២ ត្រឹមប្រកួតទី១ ថ្ងៃទី២៨ មករា៖
ខណ:កម្មវិធីប្រកួតបន្តនៅជុំទី២ របស់ក្លិបស្នងការដ្ឋាននគរបាល ខេត្តពោធិ៍សាត់ មានដូចខាងក្រោម៖
- ថ្ងៃទី២ កុម្ភ:៖ ក្លិបស្នងការដ្ឋាននគរបាល ខេត្តពោធិ៍សាត់ ប៉ះ ក្លិបស្នងការដ្ឋាននគរបាលរាជធានីភ្នំពេញ វេលាម៉ោង ៣:៣០នាទីរសៀល
- ថ្ងៃទី៣ កុម្ភ:៖ ក្លិបស្នងការដ្ឋាននគរបាល ខេត្តពោធិ៍សាត់ ប៉ះ ក្លិបបញ្ជាការដ្ឋានអង្គរក្ស វេលាម៉ោង ១:០០នាទីរសៀល
- ថ្ងៃទី៤ កុម្ភ:៖ ក្លិបកងពលធំ អន្តរាគមន៍លេខ៣ ប៉ះ ក្លិបស្នងការដ្ឋាននគរបាល ខេត្តពោធិ៍សាត់ វេលាម៉ោង ១:០០នាទីរសៀល
- ថ្ងៃទី១៦ កុម្ភ:៖ សមាគមកីឡាបាល់ទះ ក្រសួងមហាផ្ទៃ ប៉ះ ក្លិបស្នងការដ្ឋាននគរបាល ខេត្តពោធិ៍សាត់ វេលាម៉ោង ៣:៣០នាទីរសៀល
ដូចនេះប្រិយមិត្ត កុំភ្លេចចូលរួលទស្សនាផ្ទាល់ នៅទីតាំង ក្នុងសាលនៃពហុកីឡដ្ឋានជាតិ (ស្តាតអូឡាំពិក) រាជធានីភ្នំពេញ ចូលរួមទស្សនាដោយសេរី ដោយការប្រកួត នឹងចាប់ផ្ដើមពីម៉ោង ១:០០នាទីថ្ងៃតទៅ។
ព្រឹត្តិការណ៍ប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាល២០២៤ បានចាប់ផ្តើមប្រកួតជាផ្លូវការនៅថ្ងៃទី១៣ ខែមករា រហូតដល់ថ្ងៃទី១៨ ខែមីនា ឆ្នាំ២០២៤ ដោយប្រកួតរៀងរាល់ថ្ងៃ សុក្រ-សៅរ៍ និងថ្ងៃអាទិត្យ នៅសាលវិមាននៃពហុកីឡដ្ឋានជាតិ (ស្តាតអូឡាំពិក)។
សមាសភាពក្លិប/សមាគមដែលបានចូលរួមជាផ្លូវការ «តេជោលីគ» រដូវកាល ២០២៤ ចំនួន៨ រួមមាន៖
១) សមាគមបាល់ទះវិសាខា
២) សមាគមកីឡាបាល់ទះ ក្រសួងមហាផ្ទៃ
៣) ក្លិបបញ្ជាការដ្ឋានអង្គរក្ស
៤) ក្លិបកងពលធំ អន្តរាគមន៍លេខ៣
៥) ក្លិបកីឡាបាល់ទះ ស្នងការដ្ឋាននគរបាលរាជធានីភ្នំពេញ
៦) ក្លិបកីឡាបាល់ទះ ខេត្តព្រះសីហនុ
៧) ក្លិបស្នងការដ្ឋាននគរបាល ខេត្តពោធិ៍សាត់
៨) ក្លិបស្នងការដ្ឋាននគរបាល ខេត្តកណ្តាល។
ចំពោះរូបមន្តនៃការប្រកួតត្រូវបានចែកជា៣ជុំមាន៖
-ជុំទី១៖ ក្រុមទាំង ៨ប៉ះគ្នាចំនួន ១ជើង
-ជុំទី២៖ ក្រុមលេខ១ ដល់ ៦ (ចំណាត់ថ្នាក់ជុំទី១) ប៉ះគ្នាជំនួន១ជុំទៀត
-ជុំទី៣៖ ក្រុមលេខ១ ប៉ះ លេខ៣ ក្រុម លេខ២ ប៉ះ លេខ៤ (ចំណាត់ថ្នាក់ជុំទី២)៕