សិល្បៈជាតិ៖ តាមការចែករំលែកព្រោងព្រាតនៅលើបណ្ដាញសង្គមនាពេលថ្មីៗបានឱ្យឃើញថា សកលវិទ្យាល័យឌីជីថលដំបូងគេនៅកម្ពុជាដែលមានឈ្មោះថា Digital University of Cambodia បានបើកទ្វារស្វាគមន៍ដល់អ្នកស្រឡាញ់ និងស្នេហាខាងជំនាញសិល្បៈ ជាពិសេសគឺវិស័យភាពយន្ត អាចមកទទួលការសិក្សាយកជំនាញច្បាស់លាស់រយៈពេល ៤ ឆ្នាំ ដោយមិនចាំបាច់ឡើងទៅរៀនដល់បរទេស ហើយអ្នកធ្លាប់បាក់ដុបក៏អាចរៀនបានដែរ។
យ៉ាងណាមិញ ការប្រកាសបើកបង្ហាញទទួលសិស្សចំនួន ៣០០០ នាក់ដំបូងឱ្យចូលសិក្សានៅសកលវិទ្យាល័យដ៏ថ្មីសន្លាងមួយនេះ ត្រូវបានមហាជនអ្នកលេងបណ្ដាញសង្គមចាប់អារម្មណ៍ខ្លាំងចំពោះឯកសណ្ឋានសិស្សនិស្សិតដែលមើលឃើញស្រស់ស្អាតដូចជាសិស្សសាលាកូរ៉េ ជាពិសេសនៅក្នុងភាពយន្តភាគកូរ៉េ « Dream Hight » ដែលភាពយន្តឆ្លុះបង្ហាញពីមជ្ឍមណ្ឌុលបណ្ដុះអ្នកសិល្បៈជំនាន់នៅប្រទេសកូរ៉េខាងត្បូងនៅឆ្នាំ ២០១។
សម្រាប់សកលវិទ្យាល័យឌីជីថល Digital University of Cambodia ត្រូវបានដឹងថាមានមហាវិទ្យាល័យចំនួន ៥ 1- មហាវិទ្យាល័យទីផ្សារឌីជីថល 2- មហាវិទ្យាល័យសេដ្ឋកិច្ចឌីជីថល3- មហាវិទ្យាល័យបច្ចេកវិទ្យាឌីជីថល 4- មហាវិទ្យាល័យកសិកម្មឌីជីថល 5- មហាវិទ្យាល័យសំណង់ស៊ីវិលនិងស្ថាបត្យកម្ម ដែលផ្ដល់ជូនការសិក្សាសម្រាប់ -ថ្នាក់បរិញ្ញាបត្ររង -ថ្នាក់បរិញ្ញាបត្រ -និងអាចបន្តយកអនុបណ្ឌិតបាន។
និស្សិតបានចូលរួមសិក្សាក៏ទទួលបានជំនាញសំខាន់ៗដែលផ្ដោតលើអាជីពជីវភាពប្រចាំថ្ងៃបន្ថែមទៀត រួមមាន៖ ការផ្ដល់បង្រៀននិស្សិតគ្រប់គ្នា free បន្ថែមជំនាញវិជ្ជាជីវៈខ្លីដូចជា៖ -ស្រាវជ្រាវគ្រឿងអេឡិចត្រូនិច និងរៀនតម្លើងយានយន្ត។ ជំនាញគ្រប់គ្រង បណ្ដាញសង្គមគ្រប់ ។ រីឯជំនាញផ្នែកសិល្ប:សម័យ -ដឹកនាំរឿង -កាត់ត -ឌីហ្សាញ -និពន្ធមេឡូឌីទំនុកច្រៀងលក្ខណៈអន្តរជាតិ -និពន្ធបទភ្លេង អន្តរជាតិ -រីមិចបទភ្លេង អន្តរជាតិ -ច្រៀង សម្ដែង រាំ ជាដើម។
សាកលវិទ្យាល័យឌីជីថលកម្ពុជា ផ្ដល់អាហារូបករណ៍ មិនគិតថ្លៃសាលា100% រយៈពេល 4 ឆ្នាំ ផ្ដល់កន្លែងស្នាក់នៅ ថ្លៃទឹកថ្លៃភ្លើង អាហារបីពេល ប្រាក់ឧបត្ថម្ភប្រចាំខែ 30 ម៉ឺនរៀល។ អាហារូបកណ៍នេះគឺផ្ដល់ជូនសម្រាប់សិស្សនិស្សិត ក្រីក្រ ដែលគ្មានលទ្ធភាពរៀនបន្ត ធ្លាក់បាក់ឌុប ក៏អាចរៀនបរិញ្ញាប័ត្ររងបានដែររៀនចប់សាលានិងជួយស្វែងរកការងារឲ្យធ្វើ ។ សម្រាប់និស្សិតចង់សម្រៃក្ដីស្រម៉ៃលើថ្នាលសិល្បៈ អាចទំទាក់ទំនង 0965667774 ឬតាមប្រព័ន្ធ Telegram https://t.me/+855965667774៕
