សមាគមបាល់ទះវិសាខា បន្តឈរកំពូលតារាង នាមជាក្រុមមួយដែលបានរក្សាកំណត់ត្រាឈ្នះគ្រប់ការប្រកួតរបស់ខ្លួន ដោយមិនចាញ់សូម្បី១សិត ក្រោយបន្តឈ្នះក្រសួងមហាផ្ទៃ ៣សិតទល់នឹង០ (២៥-១៩, ២៥-២៣, ២៥-១៥) វគ្គជម្រុះជុំទី២ ក្នុងព្រឹត្តិការណ៍ប្រកួតកីឡាបាល់ទះ«តេជោលីគ» (Techo Volleyball Cambodia League) រដូវកាល ២០២៣-២០២៤ នៅថ្ងៃអាទិត្យ ទី៤ ខែកុម្ភ: ឆ្នាំ២០២៤។
លទ្ធផលប្រកួត ជម្រុះជុំទី២ ថ្ងៃទី២ ទី៣ និងទី៤ ខែកុម្ភ: ឆ្នាំ២០២៤៖
តារាងចំណាត់ថ្នាក់ ប្រកួតនៅជុំទី២ ត្រឹមថ្ងៃទី០៤ ខែកុម្ភ: ឆ្នាំ២០២៤៖
សម្រាប់ការប្រកួតនៅជុំទី២នេះ នឹងត្រូវជម្រុះ ២ក្រុមដែលមានពិន្ទុតិចជាងគេចេញ ដើម្បីយក ៤ក្រុមទៅប្រកួតនៅវគ្គពាកកណ្ដាលផ្ដាច់ព្រ័ត្រ ដោយក្រុមលេខ១ ត្រូបប៉ះក្រុមលេខ៤ និងក្រុមលេខ២ ត្រូវប៉ះក្រុមលេខ៣ អ្នកឈ្នះនឹងត្រូវឡើងទៅជួបគ្នានៅវគ្គផ្ដាច់ព្រ័ត្រ។
កម្មវិធីប្រកួតចុងក្រោយជម្រុះជុំទី២ ថ្ងៃទី១៦ ខែកុម្ភ: ឆ្នាំ២០២៤៖
ដោយឡែកមុនឡើងមកវគ្គជម្រុះជុំទី២ ក្នុងព្រឹត្តិការណ៍កីឡាបាល់ទះ «តេជោលីគ» ក្រុមចំនួន ២ត្រូវ បានកាត់ ចេញនោះគឺក្លិបកីឡាបាល់ទះ ខេត្តព្រះសីហនុ និងក្លិបស្នងការដ្ឋាននគរបាល ខេត្តកណ្តាល។ ខណ: នៅជុំទី២ នេះក្រុមទាំង ៦នឹងប្រកួតវិលជុំដើម្បីសន្សុំពិន្ទុ យកក្រុមមានពិន្ទុច្រើនជាងគេ ៤ឡើងទៅកាន់វគ្គពាក់កណ្ដាលផ្ដាច់ព្រ័ត្របន្ត។
គួរបញ្ជាក់ថា ព្រឹត្តិការណ៍កីឡាបាល់ទះ «តេជោលីគ» រដូវកាល ២០២៤ មានសមាសភាព ក្លិប/សមាគម ចំនួន៨ រួមមាន៖ ១) សមាគមបាល់ទះវិសាខា ២) សមាគមកីឡាបាល់ទះ ក្រសួងមហាផ្ទៃ ៣) ក្លិបបញ្ជាការដ្ឋានអង្គរក្ស ៤) ក្លិបកងពលធំ អន្តរាគមន៍លេខ៣ ៥) ក្លិបកីឡាបាល់ទះ ស្នងការដ្ឋាននគរបាលរាជធានីភ្នំពេញ ៦) ក្លិបកីឡាបាល់ទះ ខេត្តព្រះសីហនុ ៧) ក្លិបស្នងការដ្ឋាននគរបាល ខេត្តពោធិ៍សាត់ ៨) ក្លិបស្នងការដ្ឋាននគរបាល ខេត្តកណ្តាល។
ចំពោះរូបមន្តនៃការប្រកួត ក្នុងព្រឹត្តិការណ៍កីឡាបាល់ទះ «តេជោលីគ» ត្រូវបានចែកជា៣ជុំមាន៖
-ជុំទី១៖ ក្រុមទាំង ៨ប៉ះគ្នាចំនួន ១ជើង
-ជុំទី២៖ ក្រុមលេខ១ ដល់ ៦ (ចំណាត់ថ្នាក់ជុំទី១) ប៉ះគ្នាជំនួន១ជុំទៀត
-ជុំទី៣៖ ក្រុមលេខ១ ប៉ះ លេខ៤ ក្រុម លេខ២ ប៉ះ លេខ៣ (ចំណាត់ថ្នាក់ជុំទី២)៕