សិល្បៈអន្តរជាតិ៖ បន្ទាប់ពីរូបភាពវីដេអូលេងដំបងជួយខ្លួនឯងរបស់តារាចម្រៀង Drake អតីតមិត្តប្រុសរបស់ Rihanna បានបែកធ្លាយហើយត្រូវបានយកទៅចែករំលែកពេញបណ្ដាញសង្គម X ធ្វើឱ្យអ្នកតាមដានមានការជជែកវែកញែកគ្នាថាតើវាជាវីដេអូពិត ឬក៏ជាវីដេអូក្លែងក្លាយដែលកើតចេញពី AI។ ខណៈដែលម្ចាស់ខ្លួន Drake បន្តរក្សាភាពស្ងប់ស្ងាត់ និង មិនបានចេញមកឆ្លងឆ្លើយចំពោះករណីនេះនៅឡើយ។
កាលពីថ្ងៃអង្គារ រូបភាពវីដេអូបង្ហាញល្វែងក្រោមរបស់តារាចម្រៀងកាណាដា Drake បានបែកធ្លាយហើយត្រូវបានអ្នកប្រើប្រាស់បណ្ដាញសង្គម X យកទៅបង្ហោះចែកគ្នាមើលយ៉ាងព្រោងព្រាត។ក្នុងចំណោមម្ចាស់គណនីរាប់សិបម៉ឺននាក់នោះមានទាំងអ្នកជឿនិងអ្នកមិនជឿ ទើបបង្កើតឱ្យមានជាមតិវែកញែកគ្នាខ្លះៗ។ អ្នកដែលមិនទាន់ជឿថារូបភាពវីដេអូនោះជារបស់ពិតបានឱ្យហេតុផលគួរទទួលយកបានដែរថា សម័យបច្ចុប្បន្នបច្ចេកវិទ្យាទាន់សម័យ ពិសេសបច្ចេកទេស AI គឺឆ្លាតវៃណាស់ ដូច្នេះអ្វីៗក៏អាចធ្វើឡើងបានដែរ ហេតុនេះគួរតែរងចាំស្ដាប់ចម្លើយចេញពីមាត់សាមីខ្លួនសិន មិនអាចចេះតែកាត់សេចក្ដីដោយគ្រាន់តែឃើញរូបភាពវីដេអូត្រឹម១១វិនាទីនោះ។
ត្បិតមានអ្នកស្នើឱ្យជួយលុបរូបភាពនិងវីដេអូនេះចេញឱ្យអស់ពីលើបណ្ដាញសង្គមក្ដី ព្រោះវាល្មើសនឹងសិទ្ធិឯកជនភាព ប៉ុន្តែវីដេអូនេះនៅតែត្រូវបានអ្នកប្រើប្រាស់ បន្តចែកគ្នាមើលយ៉ាងអនាធិបតេយ្យដដែល។
រហូតមកដល់ពេលនេះ Drake នៅតែរក្សាបាននៅភាពស្ងប់ស្ងាត់ បើទោះជាវីដេអូលេងដំបងជួយខ្លួនឯងដែលបែកធ្លាយនោះ ត្រូវបានគេសន្មតថា អាចនឹងថតនៅលើយន្តហោះផ្ទាល់ខ្លួនរបស់លោក៕