សិល្បៈជាតិ៖ ថ្មីៗនេះ គូស្នេហ៍ដ៏ផ្អែមល្ហែមមួយគូកំពុងធ្វើឱ្យមហាជនអ្នកគាំទ្រ ក៏ដូចអ្នកនិយមតាមដានរឿងរ៉ាវសិល្បៈជាច្រើនមានការរំភើបចិត្តជំនួស ព្រមទាំងបង្ហាញការអបអរសាទរខ្លាំង ខណៈឃើញរូបភាពដែល រ៉េត សារីតា ត្រូវបានគូស្នេហ៍បរទេសរូបសង្ហាបានលុត់ជង្គង់សុំនាងរៀបការនៅលើភ្នំទឹកកកដ៏ស្រស់ស្អាតមួយនៅលើទឹកដី ប្រទេស ណូវែលហ្សេឡង់។ តើអ្នកគាំទ្រទាំងអស់គ្នាបានដឹងឬទេថា ចិញ្ចៀនពេជ្រដែលលោក Tomas បំពាក់ឱ្យកញ្ញា រ៉េត សារ៉ារីតា នោះមានតម្លៃខ្ទង់ប៉ុន្មានម៉ឺនដុល្លារ?
តាមការបង្ហោះនៅលើបណ្ដាញសង្គមហ្វេសប៊ុកបានឱ្យដឹងថា ចិញ្ចៀនពេជ្រគូស្នេហ៍បរទេសរូបសង្ហារបស់ស្រីស្អាតចក្រវាលឆ្នាំ ២០២០ បានបំពាក់ឱ្យនៅពេលលត់ជង្គង់សុំនាងរៀបការនៅលើភ្នំទឹកកក Wanaka នោះ គឺត្រូវជាគ្រឿងពេជ្រដែលមានគុណភាពស្ដង់ដារអន្តរជាតិពីហាងមាសពេជ្រ CSNJ របស់លោកឧកញ៉ា ចិន សំណាង។
បើតាមឱ្យដឹងពីហាងមាសពេជ្រ CSNJ ឱ្យដឹងថា បុរសជនជាតិអាមេរិកជាគូស្នេហ៍របស់កញ្ញា រ៉េតសារីតា បានទិញចិញ្ចៀនពេជ្រតម្លៃជិត ៣ម៉ឺនដុលារ ពីហាងមាសពេជ្រ CSNJ ដោយមិនបានប្រាប់កញ្ញាឱ្យដឹងមុននោះទេ បានន័យថា លោកមានគម្រោងយកចិញ្ចៀនពេជ្រនោះទៅ surprise ដល់កញ្ញា សារីតា នៅលើទឹកដីប្រទេស ណូវែលហ្សេឡង់ និងបន្តធ្វើដំណើរតាមរយៈឧត្តម្ភាគចក្រឆ្ពោះទៅកាន់កំពូលភ្នំទឹកកក wanaka ហើយលោកក៏បានលុតជង្គង់សុំកញ្ញាភ្ជាប់ឈាមភ្ជាប់និស្ស័យស្នេហ៍ និងមានគម្រោងរៀបអាពាពិពាហ៍ជាគូជីវិតគូស្នេហ៍ស្រលាញ់គ្នាដល់ចាស់កោងខ្នង។
យ៉ាងណាមិញ គេនៅមិនទាន់ដឹងថា កញ្ញា រ៉េតសារីតា និងគូស្នេហ៍គ្រោងនឹងរៀបការតាមប្រពៃណីខ្មែរនៅពេលាថ្ងៃណាឱ្យប្រាកដនៅឡើយទេ ប៉ុន្មានអ្នកគាំទ្រគ្រប់គ្នាច្បាស់ជាទន្ទឹងចាំមើលថា អាពាហ៍ពិពាហ៍របស់បវរកញ្ញាចក្រវាលឆ្នាំ ២០២០ ប្រាកដជាគគ្រឹកគគ្រេង និងមានសុទ្ធតែអ្នកមុខអ្នកការអ្នកសិល្បៈល្បីឈ្មោះ ចូលរួមអបអរជាក់ជាមិនខាន៕
