ព្រឹត្តិការណ៍ប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាល ២០២៣-២០២៤ វិលត្រលប់មកវិញនៅថ្ងៃសុក្រ ទី១៦ ខែកុម្ភ: ស្អែកនេះ ដែលជាជំនួបចុងក្រោយនៅជុំទី២ ស្របពេលសមាគមបាល់ទះវិសាខា គឺជាក្រុមតែ១ ដែលមិនទាន់ចាញ់សូម្បី១សិត។
ក្នុងជំនួបប្រកួតចាប់ពីជុំទី១ មកសមាគមបាល់ទះវិសាខា ឆ្លងកាត់ ១១ប្រកួត ឈ្នះទាំង១១ ប្រកួត និងមិនចាញ់សូម្បី១សិត ឈរនៅកំពូលតារាង មាន ៣៣ពិន្ទុ។
នេះគឺជាលទ្ធផលទាំង ១១ប្រកួតកន្លងមករបស់សមាគមបាល់ទះវិសាខា មានដូចខាងក្រោម៖
ប្រកួតទី១៖ សមាគមបាល់ទះវិសាខា ៣-០ ក្លិបស្នងការដ្ឋាននគរបាលកណ្តាល
ប្រកួតទី២៖ ក្លិបស្នងការដ្ឋាននគរបាលពោធិសាត់ ០-៣ សមាគមបាល់ទះវិសាខា
ប្រកួតទី៣៖ សមាគមបាល់ទះវិសាខា ៣-០ ក្លិបបាល់ទះខេត្តព្រះសីហនុ
ប្រកួតទី៤៖ ក្លិបរដ្ឋបាលរាជធានីភ្នំពេញ ០-៣ សមាគមបាល់ទះវិសាខា
ប្រកួតទី៥៖ សមាគមបាល់ទះវិសាខា ៣-០ កងពលធំអន្តរាគមន៍លេខ៣
ប្រកួតទី៦៖ ក្លិប បញ្ជាការដ្ឋានអង្គរក្ស ០-៣ សមាគមបាល់ទះវិសាខា
ប្រកួតទី៧៖ សមាគមបាល់ទះវិសាខា ៣-០ សមាគមក្រសួងមហាផ្ទៃ
ប្រកួតទី៨. សមាគមបាល់ទះវិសាខា ៣-០ ក្លិបស្នងការដ្ឋាននគរបាលពោធិសាត់
ប្រកួតទី៩. សមាគមបាល់ទះវិសាខា ៣-០ កងពលធំអន្តរាគមន៍លេខ៣
ប្រកួតទី១០. ក្លិបរដ្ឋបាលរាជធានីភ្នំពេញ ០-៣ សមាគមបាល់ទះវិសាខា
ប្រកួតទី១១. សមាគមក្រសួងមហាផ្ទៃ ០-៣ សមាគមបាល់ទះវិសាខា
តារាងចំណាត់ថ្នាក់៖
ទោះបីវគ្គជម្រុះជុំទី២ នៃព្រឹត្តិការណ៍កីឡាបាល់ទះ «តេជោលីគ» រដូវកាល ២០២៣-២៤ នៅសល់១ប្រកួតទៀតក៏ដោយ ប៉ុន្តែក្រុមខ្លាំងចំនួន៤ បានកក់កៅអីវគ្គពាក់កណ្តាលផ្តាច់ព្រ័ត្រមុនបាត់ទៅហើយ ដោយផ្អែកលើពិន្ទុដាច់ឆ្ងាយទៅក្រុមលេខ៤ និងលេខ៥។
ក្រុមកក់កៅអីវគ្គពាក់កណ្តាលផ្តាច់ព្រ័ត្ររួមមាន៖
- សមាគមបាល់ទះវិសាខា
- ក្លិបបញ្ជាការដ្ឋានអង្គរក្ស
- សមាគមកីឡាបាល់ទះ ក្រសួងមហាផ្ទៃ
- ស្នងការដ្ឋាននគរបាលរាជធានីភ្នំពេញ
កម្មវិធីប្រកួតវគ្គពាក់កណ្តាលផ្តាច់ព្រ័ត្រ «តេជោលីគ»៖
-ថ្ងៃទី១៧ ខែកុម្ភ: ម៉ោង ៣:០០រសៀល សមាគមបាល់ទះវិសាខា ប៉ះ ស្នងការដ្ឋាននគរបាលរាជធានីភ្នំពេញ
-ថ្ងៃទី១៧ ខែកុម្ភ: ម៉ោង ៦:០០ល្ងាច ក្លិបបញ្ជាការដ្ឋានអង្គរក្ស ប៉ះ សមាគមកីឡាបាល់ទះ ក្រសួងមហាផ្ទៃ។
វគ្គផ្តាច់ព្រ័ត្រនៅថ្ងៃទី១៨ ខែកុម្ភ: ឆ្នាំ២០២៤៖
-ចាញ់ ប៉ះ ចាញ់ ដណ្តើមយកលេខ៣ ម៉ោង ៣:០០រសៀល
-ឈ្នះ ប៉ះ ឈ្នះ វគ្គផ្តាច់ព្រ័ត្រ ម៉ោង ៦:០០ល្ងាច៕
