កាលពីនៅរសៀលថ្ងៃអង្គារ ទី២០ ខែកុម្ភ: ឆ្នាំ២០២៤ លីគលំដាប់ទី២ កម្ពុជា Cambodian League 2 បានបញ្ចេញតារាងចំណាត់ថ្នាក់សប្ដាហ៍ទី១៧ ខណ:គ្មានឈ្មោះក្លិបបាល់ទាត់អង្គរស៊ីធី (Angkor City FC) ពោលគឺនៅសល់តែ ៧ក្រុមប៉ុណ្ណោះ។
ដូចនេះ ក្លិបបាល់ទាត់ អង្គរស៊ីធី គឺត្រូវបានកាត់ចេញពីការប្រកួតពានរង្វាន់លីគទី២ កម្ពុជា Cambodian League 2 ក្នុងនោះផងដែរ រាល់ពិន្ទុ និងគ្រាប់បាល់ រវាងក្រុមទាំងអស់ ដែលបានប្រកួតជាមួយក្រុមអង្គរស៊ីធី ដែលគណៈកម្មការដកចេញ មិនត្រូវបានរាប់បញ្ចូលឡើង។
ដូចនេះ បានធ្វើអោយតារាងចំណាត់ ពានរង្វាន់លីគទី២ កម្ពុជា Cambodian League 2 មានបច្ចុប្បន្នភាពដូចខាងក្រោម៖
បញ្ជាក់ថា មូលហេតុក្លិបបាល់ទាត់អង្គរស៊ីធី ត្រូវបានដកឈ្មោះចេញពីពានរង្វាន់ Cambodian League 2 គឺដោយសារបញ្ហាហិរញ្ញវត្ថុ ខណ: CPL ក៏បានពិន័យអង្គរស៊ីធី តាមច្បាប់ដែលបានចែងមានដូចជា៖
– ហាមប្រាម ១ ឆ្នាំពីការប្រកួត
– ពិន័យ ១០០០ ដុល្លារ
– គ្រូបង្វឹក Charlie Pomroy ក៏ជាប់បម្រាមរយៈពេល ១ ឆ្នាំ៕