ដំណឹងចចាមអារ៉ាមស្នេហារវាងតារាចម្រៀងល្បី G-Dragon ក្រុម BigBang និងតារាចម្រៀងស្រីរូបសម្រស់សមាជិកក្រុមស្រីល្បីឈ្មោះ BLACKPINK កញ្ញា Jennie បានត្រលប់មកផ្ទុះការចាប់អារម្មណ៍ឡើងវិញ ក្រោយវត្តមាន G-Dragon ទៅរង់ចាំ Jennie នៅកន្លែងថតរូបប្រូម៉ូតថ្មី។
យោងតាមសារព័ត៌មាន Star News ដែលបានផ្សព្វផ្សាយកាលពីថ្ងៃទី ១៦ ខែសីហាបានឱ្យដឹងថាតារាល្បីទាំងពីរដួងរបស់ប្រទេសកូរ៉េនៅតែរក្សាទំនាក់ទំនងស្នេហានៅឡើយ ព្រោះតាមសេចក្ដីរាយការណ៍គេឃើញ G- Dragon បានទៅមើលការថតអាល់ប៊ុមរូបរបស់ Jennie។ រូបថតនោះគឺថតទុកផ្សព្វផ្សាយផលិតផលដែល Jennie គឺជាម៉ូដែលប្រចាំឱ្យផលិតផលមួយនេះ។
រំលឹកឡើងវិញកាលពីខែកុម្ភៈ សារព័ត៌មាន Dispatch បានរាយការណ៍ថា Jennie និង G-Dragon ស្ថិតក្នុងទំនាក់ទំនងដោយភ្ជាប់ជាមួយនឹងរូបភាព Paparazzi របស់អ្នកទាំងពីរផងដែរ។ ទោះជា YG Entertainment មិនបានប្រកាសទទួលស្គាល់និងបញ្ជាក់ពីទំនាក់ទំនងនេះតែមានមហាជនជាច្រើន បានត្រលប់ទៅតាមដាននិងស្រាវជ្រាវទំនាក់ទំនងអ្នកទាំងពីរឡើងវិញក្រោយរូបភាពអ្នកទាំងពីរត្រូវបានផ្សាយ។
ប្រភព៖ Allkpop
