សិល្បៈជាតិ៖ កាលពីពេលថ្មីៗនេះ អ្នកលេងបណ្ដាញសង្គម និងអ្នកតាមដាន (Followers) អ្នកនាង ផន សុផារី ម៉ាក់ៗរបស់ Idol តូចទាំងពីរគឺ Bella និង Ellie បានមើលឃើញការបង្ហោះសារប្លែកៗ ដែលបង្ហាញថាមានអ្នកធ្វើឱ្យអ្នកម្ដាយរូបនេះមិនសប្បាយចិត្ត។
ត្បិតថានៅក្នុង Status បង្ហាញពីការមិនសប្បាយចិត្តចំពោះអ្នកដែលមានចេតនាមិនល្អមកលើខ្លួនតែអ្នកម្ដាយកូនពីររូបនេះ បានបង្ហាញឆន្ទៈមិនតបតចំពោះអ្នកមានគំនិតអវិជ្ជមានមកលើខ្លួននោះឡើយ ដោយអ្នកនាងបានបង្ហាញនៅក្នុងសំណេរនោះថា៖ «ខ្ញុំមិនតបត មិនមែនបាននយ័ថា ខ្ញុំមើលមិនឃើញទេ។ បន្តធ្វើចុះ ខ្ញុំអត់ក្តៅក្រហាយអីផង តែចង់ប្រាប់ថា ខ្ញុំមានកិត្តិយស និង សមត្ថភាពគ្រប់គ្រាន់ ក្នុងការការពារនិងថែរក្សាតម្លៃគ្រួសារខ្ញុំឲ្យមានក្តីសុខ រស់ដោយថ្លៃថ្នូរ និងត្រជាក់គ្រប់ពេល (មនុស្សដែលមានសតិគ្រប់គ្រាន់ រមែងតែមិនតបតជាមួយនិងមនុស្សឆ្កួ.តឡើយ)»។
ក្រោយអ្នកនាងបង្ហោះសារនេះរួចគេឃើញមានអ្នកគាំទ្រទាំងអ្នកនាង ទាំងអ្នកគាំទ្រកូនស្រីតូចៗដ៏គួរឱ្យស្រលាញ់របស់អ្នកនាង បានបង្ហាញមតិគាំទ្រនិងលើកទឹកចិត្តចំពោះអ្នកនាងគ្រប់ៗគ្នា ទោះជាមិនបានដឹងថាអ្នកនាងអន់ចិត្ត ឬមានបញ្ហាអ្វីក៏ដោយ៕