សិល្បៈជាតិ៖ កាលពីរសៀលថ្ងៃទី២៦ ខែកុម្ភៈ ឆ្នាំ២០២៤ មានការភ្ញាក់ផ្អើលជាងខ្លាំងនៅពេលដែល អតីតម្ចាស់មកុដ Miss Grand Phnom Penh ដទើបតែលាលែងតំណែងថ្មីៗ កញ្ញាព្រះកាយច័ន្ទ បានចេញមកបង្ហោះសារបែបក្ដៅស្លឹកត្រចៀកនៅលើផេករបស់ខ្លួន ដោយមានខ្លឹមសារចំៗមិនបញ្ឆិតបញ្ឆៀងនិយាយសំដៅទៅកាន់ផេកមួយ ។
សំណេររបស់កញ្ញាព្រះកាយ ច័ន្ទ បានសរសេរថា៖ «Page មួយដែលល្អក្រៅ រលួយក្នុងមួយនោះ ជួបគ្នាឆាប់ៗ ចិត្តជាទេវទត្តមាត់ជាទេវតា…ចឺកាន់ ណាខា…ណងទា… ចៃរ៉ាយ… ណាក៏យ៉េ ដែលពាក្យខាងក្រោយនេះទំនងជាសរសេរភាសាខ្មែរសំនៀងថៃ មានន័យថា ចាំជួបគ្នាណា អូនតឿ ចិត្តអាក្រក់ មុខយ៉ាប់»
ត្បិតមានអ្នកគាំទ្របានចូលមកហាមឃាត់មិនឱ្យកញ្ញា ព្រះកាយច័ន្ទ តបត ដោយសំណូមពរឱ្យកញ្ញានៅស្ងៀម ទុកឱ្យរឿងរ៉ាវស្ងប់ស្ងាត់ក្ដី តែព្រះកាយច័ន្ទ នៅតែបន្តចេញមក Live ដើម្បីដោះស្រាយនិងបកស្រាយ ពាក់ព័ន្ធទៅនឹងអ្វីដែលខ្លួនបានបង្ហោះនាពេលកន្លង។ ប៉ុន្តែគួរឱ្យស្ដាយដែរ ដែលហ្វេសប៊ុកមានបញ្ហាធ្វើឱ្យការ Live នោះមានការរអាក់រអួលមិនអាចដំណើរការបានយ៉ាងរលូន។
យ៉ាងណាមិញអ្នកតាមដានកំពុងតែរងចាំមើលជាបន្តទៀតថាតើនឹងមានបញ្ហាអ្វី នៅពីក្រោយការលាលែងតំណែងរបស់កញ្ញាព្រះកាយច័ន្ទ? ហេតុអ្វីមានលេចចេញដំណឹងចចាមអារ៉ាមជាច្រើន? ហើយកត្តាអ្វីទើបបណ្ដាល ឱ្យកើតមានទំនាស់ផ្ទៃក្នុង និងបញ្ហាចម្រូងចម្រាសនៅក្នុងចង្កោមស្រីស្អាតពីកម្មវិធីប្រកួតផ្សេងៗ៕