នៅព្រឹកថ្ងៃទី២៨ ខែកុម្ភៈ ឆ្នាំ២០២៤ នេះសហព័ន្ធបាល់ទាត់កម្ពុជា បានបញ្ជាក់ថា ក្រុមជម្រើសជាតិកម្ពុជានឹងត្រៀមប្រកួតពានរង្វាន់ FIFA Series ដោយក្រុមជម្រើសជាតិកម្ពុជា ស្ថិតនៅជាមួយក្រុមជម្រើសជាតិ កាប់វែរ (Cape Verde), ប្រទេស (គុយយ៉ាន) Guyana និងប្រទេស (គីនេអេក្វាទ័រ) Equatorial Guinea។
សហព័ន្ធកីឡាបាល់ទាត់អន្តរជាតិ ហៅកាត់ថា FIFA បានបង្កើតពានរង្វាន់បាល់ទាត់ខ្នាតតូចៗមួយចំនួនសម្រាប់ប្រទេសជាសមាជិករបស់ខ្លួនមួយចំនួន ប្រកួតប្រជែង ដោយហៅឈ្មោះថា FIFA Series ស្របពេលដែលក្រុមបាល់ទាត់ជម្រើសជាតិកម្ពុជា មានឈ្មោះប្រកួតទល់នឹងប្រទេសចំនួន៣ដែលមិនសូវលឺឈ្មោះ។
ដូចនេះសារព័ត៌មានត្រយង សូមជម្រាបជូនពីក្រុមទាំង៣នោះដូចតទៅ៖
ទី១. ប្រទេសកាប់វែរ
ប្រទេសនេះស្ថិតនៅខាងកើតទ្វីបអាហ្វ្រិក ក្នុងមហាសមុទ្រអាត្លង់ទិច មានផ្ទៃដីសរុបចំនួន ៤, ០៣៣ គីឡូម៉ែត្រការ៉េ ចម្ងាយពីកម្ពុជា ១៣៥,៦៩៦៧ km បច្ចុប្បន្នប្រទេសដែលនៅប្រជុំកោះមួយនេះ ប្រើប្រាស់ភាសារព័រទុយហ្គាល់ ក្រោយទទួលបានឯករាជទាំងស្រង់ពីប្រទេសព័រទុយហ្គាល់ នៅឆ្នាំ១៩៧៥។ បច្ចុប្បន្នក្រុមបាល់ទាត់ជម្រើសជាតិកាប់វែរមានលោក Bubista ជនជាតិកាប់វែរ ជាគ្រូបង្វឹកកំពុងឈរលេខរៀងទី ៦៥ពិភពលោក។
ទី២. ប្រទេសគីនេអេក្វាទ័រ
ប្រទេសគីនេអេក្វាទ័រ ស្ថិតនៅអាហ្វ្រិកកណ្តាល មានផ្ទៃដីសរុបចំនួន ២៨,០៥០ គីឡូម៉ែត្រការ៉េ ចម្ងាយពីកម្ពុជា ១០៤០៤ km។ ប្រទេសគីនេអេក្វាទ័រ ប្រើប្រាស់ភាសា៣រួមគ្នា មានដូចជា ភាសាបារាំង ភាសារព័រទុយហ្គាល់ និងភាសារអេស្ប៉ាញ។ បច្ចុប្បន្នមានលោក Juan Michá ជនជាតិគីនេអេក្វាទ័រ ជាគ្រូបង្វឹក ឈរនៅលេខរៀងទី ៧៩ពិភពលោកត្រូវប៉ះក្រុមកម្ពុជា នៅថ្ងៃទី២២ ខែមិនា ឆ្នាំ២០២៤។
ទី៣. គុយយ៉ាន
ប្រទេសគុយយ៉ាន ស្ថិតនៅខាងជើងទ្វីបអាមេរិកខាងជើង ក្នុងមហាសមុទ្រអាត្លង់ទិច មានផ្ទៃដីរសរុប 214,969 ចម្ងាយ ១៧៣៥៤ គីឡូម៉ែត្រពីប្រទេសកម្ពុជា។ បច្ចុប្បន្នមានលោក Jamaal Shabazz ជនជាតិអេស្ប៉ាញ ឈរនៅលេខរៀងទី១៥៧ ពិភពលោក ជាគ្រូបង្វឹក ត្រូវប៉ះក្រុមកម្ពុជា នៅថ្ងៃ២៦ ខែមិនា ឆ្នាំ២០២៤។
សម្រាប់ក្រុមប្រទេសកម្ពុជា មានមូលដ្ឋាននៅទ្វីបអាស៊ី ភាគអាគ្នេយ៍ កំពុងឈរលេខ ១៧៩ពិភពលោក។
សូមបញ្ជាក់ថាចាប់តាំងពីបង្កើតសហព័ន្ធកីឡាបាល់ទាត់កម្ពុជា មកក្រុមជម្រើសជាតិកម្ពុជា ធ្លាប់ប្រកួតទល់នឹងក្រុមហ្គីណេ តែមួយគត់ដែលនៅក្រៅទ្វីបអាស៊ី ក្នុងឆ្នាំ១៩៦៦ គ្រាដែលកម្ពុជា ទទួលសិទ្ធិធ្វើម្ចាស់ផ្ទះកីឡា GANEFO ក្រៅពីនោះការប្រកួតផ្លូវការរបស់ក្រុមជម្រើសជាតិគឺសុទ្ធសឹងតែប៉ះជាមួយក្រុមបណ្តាប្រទេសក្នុងទ្វីបអាស៊ី ទាំងអស់។
នោះគឺជាលើកទី២ហើយក្នុងប្រវត្តិសាស្រ្តដែលបាល់ទាត់ជម្រើសជាតិបុរសកម្ពុជា ត្រូវប្រកួតទល់នឹងក្រុមនៅក្រៅទ្វីបអាស៊ី៕
