ក្រោយរកឃើញក្រុមទាំង ៤ដែលបានកកកៅអីវគ្គពាក់កណ្ដាលផ្ដាច់ព្រ័ត្រ នៃពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ រដូវកាល ឆ្នាំ២០២៣-២៤ ក្នុងនោះមានព្រះខ័នរាជស្វាយរៀង បឹងកេត វិសាខា និងភ្នំពេញក្រោន។
ចំពោះការប្រកួតនៅវគ្គពាក់កណ្ដាលផ្ដាច់ព្រ័ត្រ នឹងធ្វើការប្រកួត ២ជើងដូចគ្នា ដោយជើងទី១ ធ្វើត្រូវប្រកួតនៅថ្ងៃទី០៦ ខែមីនា និងជើងទី២ នឹងត្រូវប្រកួតនៅថ្ងៃទី១០ ខែ មេសា ខាងមុខ ដើម្បីស្វែងរកក្រុមខ្លាំងឡើងវគ្គផ្ដាច់ព្រ័ត្របាល់ទាត់សម្តេចតេជោ ហ៊ុន សែន (Hun Sen Cup) ថ្នាក់ជាតិ រដូវកាល ឆ្នាំ២០២៣-២៤ នៅថ្ងៃទី២៨ ខែមេសា ឆ្នាំ២០២៤។
កម្មវិធីប្រកួត នៅវគ្គពាក់កណ្តាលផ្តាច់ព្រ័ត្រជើងទី១ ថ្ងៃទី០៦ ខែមីនា ឆ្នាំ២០២៤៖
- បឹងកេត ប៉ះ ព្រះខ័នរាជស្វាយរៀង នៅពហុកីឡដ្ឋានជាតិ អូឡាំពិក វេលាម៉ោង ១៨:០០នាទីល្ងាច
- វិសាខា ប៉ះ ភ្នំពេញក្រោន នៅកីឡដ្ឋាន ព្រីនស៍ វេលាម៉ោង ១៨:០០នាទីល្ងាច
កម្មវិធីប្រកួត នៅវគ្គពាក់កណ្តាលផ្តាច់ព្រ័ត្រជើងទី២ ថ្ងៃទី០៦ ខែមីនា ឆ្នាំ២០២៤៖
- ព្រះខ័នរាជស្វាយរៀង ប៉ះ បឹងកេត នៅកីឡដ្ឋាន ស្វាយរៀង វេលាម៉ោង ១៨:០០នាទីល្ងាច
- ភ្នំពេញក្រោន ប៉ះ វិសាខា នៅកីឡដ្ឋាន ស្មាត អអេសអិន វេលាម៉ោង ១៨:០០នាទីល្ងាច
ខាងក្រោមនេះជាអតីតម្ចាស់ជើងឯកដែលនៅសល់ក្នុងវគ្គ៨ក្រុមចុងក្រោយមានដូចជា៖
១) ព្រះខ័នរាជស្វាយរៀង ធ្លាប់ឈ្នះ៤សម័យកាល (២០១១,២០១២,២០១៥,២០១៧)
២) វិសាខា ធ្លាប់ឈ្នះ៣សម័យកាល (២០២០,២០២១,២០២២)
៣) ភ្នំពេញក្រោន ធ្លាប់ឈ្នះ២សម័យកាល (២០០៨,២០០៩)
៤) ណាហ្គាវើល ធ្លាប់ឈ្នះ១សម័យកាល (២០១៣)
៥) បឹងកេត ធ្លាប់ឈ្នះ១សម័យកាល (២០១៩)
ចំណែកក្រុមខេមរាកីឡា ដែលធ្លាប់ឈ្នះជើងឯកកាលពីរដូវកាលទី១ ក្នុងឆ្នាំ២០០៧ កន្លងទៅបានរំសាយក្លិបបាត់ទៅហើយ៕
