អតីតតារាចម្រៀងល្បី Yoochun ត្រូវបានគេចោទប្រកាន់ថាលោកក្បត់នឹងកុងត្រាជាមួយនឹងក្រុមហ៊ុនបច្ចុប្បន្នហើយចំណាយប្រាក់រហូតដល់ទៅជាង ៨៥ម៉ឺនដុល្លារទៅក្នុងឧស្សាហកម្ម SEX ។
តារាសម្ដែងភាពយន្តភាគកូរ៉េដ៏ល្បីល្បាញ «Rooftop Prince» ឬ «រាជបុត្រឆ្លងភព» ត្រូវបានគេចោទប្រកាន់ថាលោកក្បត់កិច្ចកុងត្រាជាមួយនឹងក្រុមហ៊ុនដែលលោកកំពុងធ្វើការបច្ចុប្បន្នហើយថែមទាំងចំណាយប្រាក់១០០លានវ៉ុន (ប្រមាណ ៨៥,៤៥៩,៩៣ដុល្លារ) ទៅលើឧស្សាហកម្មសិល្បៈបែបមនុស្សធំ (SEX) ថែមទៀតផង។
យោងតាមផលិតកម្ម RE Cielo អតីតសមាជិករបស់ក្រុម JYJ បានប្រាប់សារព័ត៌មានជប៉ុននៅក្នុងប្រទេសជប៉ុនថាលោកត្រូវបានក្រុមហ៊ុម RE Cielo លួចប្រាក់ ទើបធ្វើឱ្យលោកសម្រេចចិត្តលុបចោលកុងត្រាផ្ដាច់មុខជាមួយនឹងក្រុមហ៊ុននេះ។ យ៉ាងណាមិញក្រមហ៊ុននេះបានចោទប្រកាន់ថា Yoochun បានក្បត់កិច្ចកុងត្រាជាមួយក្រុមហ៊ុន ដោយបានទៅចុះកុងត្រាជាមួយនឹងក្រុម Agency របស់ប្រទេសជប៉ុន។
លើសពីនោះក្រុមហ៊ុនបានលើកឡើងថាក្រុមហ៊ុនបានខាតបង់យ៉ាងធ្ងន់ធ្ងរដោយសារតែទង្វើរបស់ Park Yoochun ក្រុមហ៊ុន Re Cielo បានអះអាងថែមទៀតថាក្រុមហ៊ុនបានជួយដោះស្រាយបំណុលឯកជនឱ្យ Yoochun ថែមទៀតផង។ ក្នុងនោះដែរ តារារូបនេះថែមទាំងយកលុយក្រុមហ៊ុនទៅទិញកាបូបទំនើបទាន់សម័យឱ្យមិត្តស្រីទិញឧបករណ៍ក្នុងហ្គេមរាប់សិបតោន ហើយបានចំណាយប្រាក់ជាង៨៥ម៉ឺនដុល្លារទៅលើឧស្សហកម្មសិចថែមទៀតផង។
