អាជ្ញាកណ្ដាលកីឡាបាល់ទះ កម្រិតមូលដ្ឋាន (កម្រិត៣) ជំនាន់ទី១ចំនួន៤៨រូប បានបញ្ចប់វគ្គសិក្សាដោយជោគជ័យ ក្រោមការរៀបចំឡើងដោយសហព័ន្ធកីឡាបាល់ទះកម្ពុជា តាមប្រព័ន្ធ Zoom រយៈពេល៣ថ្ងៃ។
ឯកឧត្តម ប៊ូ ជុំសេរី អនុប្រធានសហព័ន្ធកីឡាបាល់ទះកម្ពុជា ជំនួសឯកឧត្តម ស សុខា រដ្ឋលេខាធិការក្រសួងអប់រំយុវជននិងកីឡា និងតំណាងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ប្រធានសហព័ន្ធកីឡាបាល់ទះកម្ពុជា បានអញ្ជើញជាគណៈអធិបតីពិធីបិទវគ្គសិក្សានេះ។
លោក បឹង គឹមតោ អគ្គលេខាធិការសហព័ន្ធកីឡាបាល់ទះកម្ពុជា បានបញ្ជាក់ថាបើទោះបីជាវគ្គបណ្តុះបណ្តាលនេះមានការចូលរួមយ៉ាងសស្រាក់សស្រាំពីសិក្ខាកាម ដោយមានលោក ទែន ឡន អាជ្ញាកណ្ដាលអន្តរជាតិប្រចាំកម្ពុជា និងលោក កួន សុគន្ធី ជាគ្រូឧទ្ទេស។ ជាលទ្ធផលឃើញថាសិក្ខាកាមនិទ្ទេសល្អមានចំនួន២០នាក់ និទ្ទេសបង្គួរចំនួន២០នាក់ និទ្ទេសមធ្យមមានចំនួន៣នាក់ និងនិទ្ទេសខ្សោយចំនួន៥នាក់។