សិល្បៈជាតិ៖ ក្រោយពេលផលិតកម្មចម្រៀងទីក្រុងភាពយន្ត (Town Production) បង្ហោះបទចម្រៀងថ្មីមានចំណងជើងថា «Team ទឹកត្នោតជូរ» ច្រៀងដោយ ម៉ៅ ហាជី ផ្ទុះចេញនូវមតិរិះគន់ពីសាធារណជន ព្រោះតែយកទំនុកបទភ្លេងជាតិ មកកែប៉ារ៉ូលទាក់ទងនឹងគ្រឿងស្រវឹង រហូតក្រសួងវប្បធម៌ និង វិចិត្រសិល្បៈចេញលិខិតព្រមានជាចំហរកាលពីពេលថ្មីៗនេះ ទីបំផុតបន្ទាប់ពីតារាចម្រៀង និង អ្នកនិពន្ធបានចេញមកទទួលស្គាល់កំហុសនិងសុំទោសរួចមក ផលិតកម្មផ្ទាល់ ក៏បានចេញលិខិតសុំអភ័យទោសផងដែរ។ នេះបើយោងតាមការបង្ហោះដោយទំព័រហ្វេសប៊ុក ក្រសួងវប្បធម៌ និងលិខិតសិល្បៈ នៅល្ងាចថ្ងៃទី១២ ខែមីនា ឆ្នាំ២០២៤។
ភ្ចាប់ជាមួយនឹងលិខិតសុំអភ័យទោសនោះមានសំណេររៀបរាប់ដូចតទៅ៖ លិខិតសុំអភ័យទោសរបស់ផលិតកម្ម ទីក្រុងភាពយន្ត (Town Production) ចំពោះការផលិតចម្រៀងមានចំណងជើងថា “Team ទឹកត្នោតជូរ” ដែលបានរំលោភធ្ងន់ធ្ងរទៅនឹងច្បាប់សិទ្ធិអ្នកនិពន្ធនិងសិទ្ធិប្រហាក់ប្រហែល។ សូមអានសេចក្ដីលម្អិតនៅក្នុងលិខិតខាងក្រោមនេះ:
