ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 នឹងបន្តប្រកួតនៅភូមិភាគទី៤ នៅថ្ងៃសៅរ៍ ទី១៦ និងថ្ងៃអាទិត្យ ទី១៧ ខែមីនា នឹងធ្វើឡើងនៅ មណ្ឌលព្រៃវែង នៅសាលបាល់ទះ ស.ស.យ.ក ព្រៃវែង វេលាម៉ោង ៨:០០នាទី។ ការប្រកួតក៏មានការផ្សាយផ្ទាល់ពីសារព័ត៌មានត្រយង ខណ:អ្នកគាំទ្រអាចចូលរួមទស្សនាដោយសេរី។
ខណ:ក្រុមចូលរួមមានចំនួន ១០ក្រុមមានដូចខាងក្រោម៖ ១. ស្នងការដ្ឋាន ន.ប ខេត្តស្វាយរៀង ២. ស្នងការដ្ឋាន ន.ប ខេត្តព្រៃវែង(A) ៣. ក្រុមយុវជនគណបក្សស្រុកស្វាយអន្ទរ ៤. ស្នងការដ្ឋាន ន.ប រាជធានីភ្នំពេញ(B) ៥. សមាគមបាល់ទះវិសាខា(B) ៦. ស្នងការដ្ឋាន ន.ប ខេត្តកណ្ដាល ៧. ក្លិបយុវជនស្រុកកំចាយមារ ៨. ស្នងការដ្ឋាន ន.ប ខេត្តព្រៃវែង(A) ៩. ក្លិបយុវជនស្រុកសុីធរកណ្ដាល ១០. ក្លិបយុវជន ស.ស.យ.ក ស្រុកពោធិ៍រៀង។
ការប្រកួតបានបញ្ចប់ចំនួន ៣ភូមិភាគរួមហើយ ដោយភូមិភាគទី១ គឺភូមិភាគបាត់ដំបង ម្ចាស់ជើងឯកបានទៅលើ ក្លិបកីឡាបាល់ទះបាត់ដំបង និងគោលដៅទី២ គឺភូមិភាគសៀមរាប ម្ចាស់ជើងឯកបានទៅលើ ក្លិបកងពលធំអន្តរាគមន៍លេខ៣ (B) និងគោដៅទី៣ គឺភូមិភាគ កំពង់ចាម ម្ចាស់ជើងឯកបានទៅលើ ស្នងការដ្ឋាន ន.ប ខេត្តត្បូងឃ្មុំ។
គោលដៅ ៥ ដែលគ្រោងរៀបចំពាន WURKZ SPECIAL VOLLEYBALL CUP 4×4 2024 ធំៗ មាន ភូមិភាគទី១ គឺភូមិភាគបាត់ដំបង ភូមិភាគទី២ គឺភូមិភាគសៀមរាប ភូមិភាគទី៣ គឺភូមិភាគកំពង់ចាម ភូមិភាគទី៤ គឺព្រៃវែង និងចុងក្រោយភូមិភាគខេត្តព្រះសីហនុ។
សូមបញ្ជាក់ថា សម្រាប់គោលដបន្ទាប់គ្រោងរៀបចំពាន WURKZ SPECIAL VOLLEYBALL CUP 4×4 2024 ធំៗ ចុងក្រោយគឺ ភូមិភាគទី៥ ខេត្តព្រះសីហនុ ដែលនឹងចាប់ផ្ដើមនៅថ្ងៃទី ២៣-២៤ ខែមិនា 2024 នៅក្នុងនោះមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម។
ម្ចាស់ជ័យលាភីទាំង ៥ភូមិភាគដែលលខ១ និងលេខ២ មានឈ្មោះដោយស្វ័យប្រវត្តិសម្រាប់ធ្វើការប្រកួតនៅរាជធានីភ្នំពេញ ដែលជាវគ្គជុំផ្ដាច់ព្រ័ត្រគ្រោងនឹងរៀបចំនៅថ្ងៃទី ២២-២៨ ខែមេសា ឆ្នាំ២០២៤។ មណ្ឌលរាជធានីភ្នំពេញ នឹងផ្ដល់ឱកាសទៅដល់បណ្ដាល ក្លិបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងតេជោលីគត្រូវឈរជើងចាំ ចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥៕
