ក្រុមបាល់ទាត់អគ្គនាយកដ្ឋានអន្តោប្រវេសន៍ គ្រងជើងឯក នៃការប្រកួតពានរង្វាន់ បាល់ទាត់ក្រសួងមហាផ្ទៃ” លើកទី១ ឆ្នាំ២០២៤ បន្ទាប់ពីយកឈ្នះ ក្រុមបាលទាត់អគ្គស្នងការដ្នាននគរបាលជាតិ ក្នុងលទ្ធផល ៣ទល់នឹង០ នៅវគ្គផ្ដាច់ព្រ័ត្រ កាលពីរសៀលថ្ងៃទី២៥ ខែមីនា ឆ្នាំ២០២៤ នៅពហុកីឡដ្ឋានជាតិអូឡាំពិក។
នៅក្នុងការប្រកួតវគ្គផ្ដាច់ព្រ័ត្រ បិទបញ្ចប់ពានរង្វាន់ បាល់ទាត់ក្រសួងមហាផ្ទៃ” លើកទី១ ឆ្នាំ២០២៤ មានការអញ្ជើញចូលរួមជាអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ស សុខា។
ការរៀបចំលើកទី១ នេះមានការចូលរួមពីបណ្ដាក្លឹបអគ្គស្នងការដ្ឋាន ក្លិបអគ្គលេខាធិការដ្ឋាន ក្លិបអគ្គនាយកដ្ឋាននានាសរុបចំនួន ១៥ក្លិប បែងចែកជា ៤ពូលមានដូចខាងក្រោម៖
-ពូល A៖ ក្រុមប្រឹក្សាកីឡាក្រសួងមហាផ្ទៃ, ក្រុមសាលាជាតិរដ្ឋបាលមូលដ្ឋាន, ក្រុមអគ្គនាយកដ្ឋានរដ្ឋបាល, ក្រុមអគ្គាធិការដ្ឋាន។
-ពូល B៖ ក្រុមអគ្គនាយកដ្ឋានភស្តុភារ និងហិរញ្ញវត្ថុ, ក្រុមប្រឹក្សានីតិកម្ម, ក្រុមខុទ្ទកាល័យរដ្ឋមន្ត្រីក្រសួងមហាផ្ទៃ, ក្រុមអគ្គនាយដ្ឋានអត្តសញ្ញាណកម្ម។
-ពូល C៖ ក្រុមអគ្គនាយកដ្ឋានពន្ធនាគារ, ក្រុមបណ្ឌិតសភានគរបាលកម្ពុជា, ក្រុមអគ្គនាយកដ្ឋានឌីជីថល និងផ្សព្វផ្សាយអប់រំ, ក្រុមអគ្គនាយកដ្ឋានអន្តោប្រវេសន៍
-ពូល D , ក្រុមអគ្គនាយកដ្ឋានសវនកម្មផ្ទៃក្នុង, ក្រុមអគ្គលេខាធិការដ្ឋានកក្រសួងមហាផ្ទៃ, ក្រុមអគ្គស្នងការដ្ឋាននគរបាលជាតិ
គួរបញ្ជាក់ថា ការប្រកួតពានរង្វាន់បាល់ទាត់ក្រសួងមហាផ្ទៃ បានចាប់ផ្ដើមប្រកួតពីថ្ងៃទី០១ ខែមីនា និងបញ្ចប់នៅថ្ងៃទី២៥ ខែមីនា ឆ្នាំ២០២៤ ដោយពិធីបើក-បិទ ធ្វើឡើងនៅពហុកីឡដ្ឋានជាតិ ក្រោមអធិបតីភាពឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ៕
