ដើម្បីអបអរពិធីបុណ្យចូលឆ្នាំខ្មែរ ក៏ដូចជាការរៀបចំព្រឹត្តិការណ៍ សង្ក្រាន្តព្រៃវែង ឆ្នាំ២០២៤ រដ្ឋបាលខេត្តព្រៃវែង បានចេញសេក្ដីជូនដំណឹងដល់ លោក លោកស្រី ប្រធានមន្ទីរ-អង្គភាពជុំវិញខេត្ត រដ្ឋបាលក្រុង-ស្រុក សាធារណ:ជន និងបងប្អូនប្រជាពលរដ្ឋក្នុងខេត្តព្រៃវែង ស្ដីពីការរៀបចំ ការប្រកួតកីឡា អុកចត្រង្គ សង្រ្កាន្តព្រៃវែង។
គណ:គម្មការរៀបចំព្រឹត្តិការណ៍ សង្រ្កាន្តព្រៃវែង ២០២៤ នឹងរៀបចំការប្រកួតកីឡា អុកចត្រង្គ ដែលនឹងប្រព្រឹត្តទៅមានដូចខាងក្រោម៖
- ជំហានទី១៖ វគ្គជម្រុះ ចាប់ពីថ្ងៃទី៨ ដល់ថ្ងៃទី១០ ខែមេសា ឆ្នាំ២០២៤ (ទីតាំងនៅមន្ទីរអប់រំ យុវជន និងកីឡា ខេត្តព្រៃវែង)
- ជំហានទី២៖ វគ្គផ្ដាច់ព្រ័ត្រ ប្រព្រឹត្តទៅនៅថ្ងៃទី១៣ ខែមេសា ឆ្នាំ២០២៤ (ទីតាំង នឹងជូនដំណឹងពេលក្រោយ)
-ការចែកពាក្យ និងទទួលពាក្យ៖ ចាប់ពីថ្ងៃជូនដំណឹងនេះ រហូតដល់ថ្ងៃទី៥ ខែមេសា ឆ្នាំ២០២៤ វេលាម៉ោង ១៧:០០នាទី នៅមន្ទីរអប់រំ យុវជន និងកីឡា ខេត្តព្រៃវែង
-សូមភ្ជាប់មកជាមួយនូវ៖ អត្តសញ្ញាណប័ណ្ណថតចម្លង ចំនួន ១ច្បាប់
-ការចាប់ឆ្នោតប្រកួត៖ នឹងប្រព្រឹត្តទៅនៅថ្ងៃទី០៧ ខែមេសា ឆ្នាំ២០២៤ វេលាម៉ោង ១៤:០០នាទីរសៀល នៅមន្ទីរអប់រំ យុវជន និងកីឡា ខេត្តព្រៃវែង
ដូចនេះ សូមលោក លោកស្រី បរ្ធានមន្ទីរ-អង្គភាពជុំវិញខេត្ត រដ្ឋបាលក្រុង-ស្រុក សាធារណ:ជន និងបងប្អូនប្រជាពលរដ្ឋក្នុងខេត្តព្រៃវែង អញ្ជើញចូលរួមជាបេក្ខជនប្រកួតអោយបានច្រើនកុះករ ដើម្បីចូលរួមអភិរក្ស និងអភិវឌ្ឍន៍ ក៏ដូចជាផ្សព្វផ្សាយកីឡា អុកចត្រង្គ៕
