ស្រីស្អាត លីវ ជីលី អតីត Miss Grand Cambodia 2020 កាលពីថ្ងៃអាទិត្យទី២២ ខែសីហា ឆ្នាំ២០២១ បានធ្វើការបង្ហោះនូវសំណេរមួយសម្ដែងការមិនពេញចិត្តយ៉ាងខ្លាំង ដោយសារមានមនុស្សប្រុសបានផ្ញើសារមកឡែបខាយ ហើយចង់សុំចិញ្ចឹមកញ្ញា។
កញ្ញា លីវ ជីលី បានជួបនឹងរឿងហួសចិត្តមួយធ្វើឲ្យក្ដៅគុម្ពត្រចៀករហូតបញ្ចេញកំហឹងលើបណ្ដាញសង្គម ព្រោះមានមនុស្សមើលងាយសមត្ថភាពខ្លួន ហើយថែមទាំងហ៊ានពោលពាក្យចង់មកជួយចិញ្ចឹម។
កញ្ញាបានផុសសំណេរនៅលើផេករបស់ខ្លួនដែលមានអត្ថន័យទាំងស្រុងថា៖ ខ្ញុំមិនដូចអ្នកដទៃទេសូមទានជ្រាប ចឹងមិនមែនឡាយលក់កងហាត់ប្រាណ លក់អយស្ទ័រ និងលក់ក្តាមប្រៃទាំងឈឺទាំងជាទេ សូមប្រកាសមិនត្រូវការនរណាមកចិញ្ចឹម ខ្ញុំទេខ្ញុំអាចចិញ្ចឹមខ្លួនឯងនិងក្រុមគ្រួសារខ្ញុំបាន។ ការបង្ហោះនេះគឺត្រូវបានសាមីខ្លួនបន្ថែមទៀតថា កញ្ញាមានការឈឺចាប់ដែលត្រូវបានគេប្រើសម្ដីមើលងាយចំពោះកិត្តិយសកញ្ញាយ៉ាងដូច្នេះ។
កញ្ញា លីវ ជីលី គឺជាកញ្ញាឯក Miss Grand តំណាងឱ្យព្រះរាជាណាចក្រកម្ពុជា ចេញទៅប្រកួត Miss Grand International 2020 នៅប្រទេសថៃ ហើយកញ្ញា គឺជាកញ្ញាឯកកម្ពុជាទីមួយដែលឡើងបានដល់ Top 10 ក្នុងកម្មវិធីប្រកួតខ្នាតអន្តរជាតិដ៏ធំមួយនេះ៕