គិតត្រឹមពានរង្វាន់បាល់ទាត់ឆ្នេរខ្សាច់ជើងឯកពិភពលោក 2021 FIFA Beach Soccer World Cup កំពុងរៀបចំនៅទីក្រុងមូស្គូ ប្រទេសរុស្ស៊ី បានរកឃើញក្រុមឆ្លងផុតវគ្គចែកពូលហើយ ដោយកក់កៅអីវគ្គ៨ក្រុមចុងក្រោយ។
សម្រាប់កម្មវិធីប្រកួតវគ្គ៨ក្រុមចុងក្រោយ នៅថ្ងៃទី២៦ ខែសីហា ឆ្នាំ២០២១ មាន៖
-សេណេហ្គាល់ ប៉ះ ប្រេស៊ីល
-ស្វីស ប៉ះ អ៊ុយរុយហ្គាយ
-ហៃទី ប៉ះ ជប៉ុន
-រុស្ស៊ី ប៉ះ អេស្ប៉ាញ
ពានរង្វាន់ 2021 FIFA Beach Soccer World Cup មានក្រុមចូលរួមចំនួន១៦ក្រុមមកពី៦ទ្វីបផ្សេងគ្នា ដោយបែងចែកជា៤ពូលប្រកួតពីថ្ងៃទី១៩ ដល់ថ្ងៃទី២៩ ខែសីហា ឆ្នាំ២០២១ នៅលើទីលាន Luzhniki Beach Soccer Stadium។
គិតត្រឹមពេលនេះមានកីឡាករ២រូបរកគ្រាប់បាល់បានច្រើនជាងគេគឺរហូតដល់៨គ្រាប់ស្មើគ្នា ក្នុងនោះមានកីឡាករ Léo Martins របស់ព័រទុយហ្គាល់ និងកីឡាករ Dejan Stankovic របស់ស្វីស។
ពានរង្វាន់បាល់ទាត់លើឆ្នេរខ្សាច់នេះរៀបចំឡើងដំបូងពីឆ្នាំ១៩៩៥ មកម៉្លេះ ដោយរាល់១ឆ្នាំម្តង ដោយប្រើឈ្មោះថា Beach Soccer World Championships ប៉ុន្តែនៅឆ្នាំ២០០៥ បានប្តូរឈ្មោះទៅជា FIFA Beach Soccer World Cup។ ក្រុមប្រេស៊ីល ឈ្នះជើងឯកបានច្រើនជាងគេគឺរហូតដល់១៤លើក៕
