អតីតសមាជិក EXO លោក Kris Wu កំពុងស្ថិតក្នុងមន្ទីរឃុំឃាំងក្នុងករណីជាប់ចោទពីបទរំលោភសេពសន្ថវៈ ទៅលើមនុស្សស្រីរហូតដល់ទៅ៣០នាក់ក្នុងនោះក៏មាននារីអនីតិជនផងដែរ។
ថ្មីៗនេះ មានព័ត៌មានបែកធ្លាយដែរនៅលើបណ្ដាញសង្គមប្រទេសចិនដែរថា Kris Wu បានរៀបការរួចហើយ ហើយពេលនេះប្រពន្ធរបស់គេកំពុងតែចិញ្ចឹមបីបាច់កូនស្រីអាយុ ២ឆ្នាំ។
ករណីសង្ស័យនេះធ្លាប់ត្រូវបានលើកឡើងជាច្រើនលើកច្រើនសារកន្លងមកហើយកាលពីអតីតកាល ប៉ុន្តែរឿងទាំងអស់នេះត្រូវបានគេចាត់ទុកថាគ្រាន់តែជាពាក្យចចាមអារ៉ាម ព្រោះមិនមានភស្ដុតាងគ្រប់គ្រាន់ ប៉ុន្តែរឿងនេះត្រូវបានលេចចេញមកជជែកវែកញែកឡើងវិញក្រោយរឿងក្ដីចោទប្រកាន់ Kris Wu ។
យោងតាមពាក្យចចាមអារ៉ាម ស្ត្រីដែលត្រូវបានគេជឿថាជាភរិយារបស់ Kris ជាមនុស្សល្បីល្បាញព្រោះត្រូវបានសិក្សាក្នុងមហាវិទ្យាល័យល្បីល្បាញក្នុងប្រទេសចិន បន្ថែមលើសពីនោះទៀត ស្ត្រីរូបនេះកំពុងតែចិញ្ចឹមបីបាច់កូនស្រីវ័យ២ខួបតែម្នាក់ឯង។
