កីឡាករកូតាអាស៊ាន ចំនួន ៣រូបនឹងត្រូវបន្តភារកិច្ចជួយក្រុមរបស់ក្នុងពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ សម្រាប់ជំនួបជុំទី៤ ប្រកួតក្រុមតំបន់ TOP4 មាន ព្រះខ័នរាជស្វាយរៀង ភ្នំពេញក្រោន វិសាខា និងបឹងកេត។
ក្នុងនោះកីឡាករកូតាអាស៊ានទាំង ៣រូបបានបង្ហាញខ្លួនអោយក្រុមកន្លងមករួមមាន៖
១.ព្រះខ័នរាជស្វាយរៀង Bounkong Bounphachan (ជនជាតិឡាវ) រកបាន ១០គ្រាប់
២. វិសាខា Barreto De Lima Mouzinho (ទីម័រខាងកើត) រកបាន ២គ្រាប់
៣. ភ្នំពេញក្រោន Soe Moe KYAW (មីយ៉ាន់ម៉ា) រកបាន ៤គ្រាប់
ដោយឡែកសម្រាប់កីឡាករកូតាអាស៊ានចំនួន ៦រូបផ្សេងទៀតបានបញ្ចប់ភារកិច្ចជួយក្រុមរបស់ខ្លួនរួមមាន៖
- ណាហ្គាវើល Mursalim Muhammad Rafli (ឥណ្ឌូណេស៊ី)
- ISI ដង្កោសែនជ័យ Jhon FRITH (ទីម័រខាងកើត)
- ព្រៃវែង Thiha ZAW (មីយ៉ាន់ម៉ា)
- អង្គរថាយហ្គឺរ Delwinser Singh (សិង្ហបុរី)
- Tiffy Army FC Srayut Sompim (ថៃ)
- គីរីវង់ ZENIVIO MOTA (ទីម័រខាងកើត)
យោងតាមបទបញ្ជានៃការប្រកួតក្រុមតំបន់ TOP4 គឺ ក្រុមលេខ១ ត្រូវ ប៉ះក្រុមលេខ៤ និង ក្រុមលេខ២ ត្រូវប៉ះលេខ៣ ហើយក្រុមណាដែលធ្លាប់បានធ្វើជាម្ចាស់ផ្ទះ ២ដងមកគឺត្រូវប្ដូរទៅលេងក្រុមដែលធ្វើម្ចាស់ផ្ទះបានតែ១ដងវិញ។
កម្មវិធីប្រកួត វគ្គ Top 4 មានដូចខាងក្រោម៖
គួរបញ្ជាក់ថា ការប្រកួតពានរង្វាន់លីគកំពូលកម្ពុជា Cambodian Premire League បានចាប់ផ្តើមការ ប្រកួតតាំងពីថ្ងៃទី៥ ខែសីហា ឆ្នាំ២០២៣ កន្លងទៅ ប្រើរយៈពេលចំនួន ៣០សប្តាហ៍ ខណៈជើងឯកឆ្នាំចាស់គឺបានលើក្រុមបាល់ទាត់ភ្នំពេញក្រោន៕