អគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ បានចេញសេចក្ដីជូនដំណឹងដល់មន្ត្រីនគរបាលជាតិ និងកីឡាករ កីឡាការិនីទាំងអស់ ស្ដីពីការរៀបចំជ្រើសរើសកីឡាករ ១៥រូប និងកីឡាការិនី ១៥រូប។
ការជ្រើសរោះសនេះដែរ គឺដើម្បីប្រមូលផ្ដុំហ្វឹកហាត់កីឡាកាប៉ាឌី (KABADDI) ត្រៀមលក្ខណៈសម្បត្តិចូលរួមការប្រកួត “ពានរង្វាន់ពិភពលោកកីឡាកាប៉ាឌី” នាខែសីហា ឆ្នាំ២០២៤ ខាងមុខ ដែលកម្ពុជាធ្វើជាម្ចាស់ផ្ទះ។
មន្ត្រីនគរបាលជាតិ និងកីឡាករ កីឡាការិនីដែលមានបំណងហ្វឹកហាត់កីឡាកាប៉ាឌី ត្រូវមានសុខភាពល្អ កាយសម្បទាមាំមួន រហ័សរហួន និងមានលក្ខណៈសម្បត្តិដូចខាងក្រោម៖
- បុរស៖ កម្ពស់ចាប់ពី ១.៧៥ម៉ែត្រ និង ទម្ងន់ចាប់ពី ៧៦ ដល់ ៨៥ គីឡូក្រាម
- នារី៖ កម្ពស់ចាប់ពី ១.៦៥ម៉ែត្រ និង ទម្ងន់ចាប់ពី ៦៦ ដល់ ៧៥ គីឡូក្រាម
ហេតុដូចនេះ មន្ត្រីនគរបាលជាតិ និងកីឡាករ កីឡាការិនី ដែលមានចំណាប់អារម្មណ៍ហ្វឹកហាត់ កីឡាកាប៉ាឌី សូមចូលរួមចុះឈ្មោះនៅ ការិយាល័យបច្ចេកទេសកីឡា រៀងរាល់ម៉ោងធ្វើការ ឱ្យបានមុនថ្ងៃទី០៨ ខែឧសភា ឆ្នាំ២០២៤។
សម្រាប់ព័ត៍មានលម្អិតសូមទំនាក់ទំនង់តាមរយ:៖ លោកវរសេនីយ៍ទោ សំណាង វីរៈបុត លេខទូរស័ព្ទ 081 747 422 (Telegram)៕
