សួន ចាន់ណារ៉ូ បានបង្ហាញពីភាពសប្បាយខ្លាំងក្រោយឈ្នះជើងឯក នៅក្នុងព្រឹត្តិការណ៍ប្រកួតកីឡាបាល់តះពានរង្វាន់ Wurkz Special volleyball 4×4 ឆ្នាំ២០២៤ នៅរាជថានីភ្នំពេញ។
ថ្លៃងក្នុងកិច្ចសម្ភាសន៍ជាមួយអ្នកសារព័ត៌មាន អ្នកលើកបាល់របស់វិសាខា រូបនេះប្រាថា៖ ការប្រកួតបាល់ទះ ៤x៤ នេះគឺពិតជាមានការប្រកួតប្រជែងខ្លាំង ពិសេសនៅវគ្គផ្ដាច់ព្រ័ត្រ ព្រោះខ្លួនមិននឹកស្មាន់ថាអាចយកអ្នកក្រុមរបស់ក្រសួងមហាផ្ទៃបាន ព្រោះថាក្រុមនេះខ្លាំង និងល្អ។
ណារ៉ូ ថា ពានរង្វាន់បាល់ទះ Wurkz Special volleyball 4×4 ពិតជាល្អ ដែលអាចអោយក្រុមនៅតាមបណ្ដាលខេត្តមានការប្រកួតប្រជែង។ ខណ:រូបគេចង់ឱ្យសហព័ន្ធមានការរៀបចំពានរង្វាន់កាន់តែច្រើន ដើម្បីឱ្យកីឡាករបានបញ្ចេញសមត្ថភាព ពិសេសទៀតនោះ គឺនៅតាមក្លិបនាំយកកីឡាករបរទេសមកចូលរួមលេង ដូចជាពីអឺរ៉ុបជាដើម។
គួរបញ្ជាក់ថា ក្រុមបាល់ទះវិសាខា បានក្លាយជាម្ចាស់ជើងឯកនៃពានរង្វាន់ Wurkz Special volleyball 4×4 នៅរាជធានីភ្នំពេញ សម្រាប់រដូវកាលទី១ ក្រោយឈ្នះលើក្រុមក្រសួងមហាផ្ទៃ ដោយលទ្ធផល ៣សិតទល់នឹង១ នៅវគ្គផ្តាច់ព្រ័ត្រ ក្នុងសាលកីឡដ្ឋានជាតិអូឡាំពិក កាលពីរាត្រីថ្ងៃទី២៨ ខែមេសា ឆ្នាំ២០២៤៕