Marcus Warren Haber របស់ព្រះខ័នរាជស្វាយរៀង គឺជាកីឡាករតែម្នាក់គត់ដែលអាចរកគ្រាប់បាល់បានច្រើនជាងគេ រហូតដល់ ២៩គ្រាប់ម្នាក់ឯក ឆ្លងកាត់ ២៨សប្ដាហ៍ នៃពានរង្វាន់លីគកំពូលកម្ពុជា Camobodian Premier League រដូវកាលឆ្នាំ២០២៣-២៤។
ស្របពេលដែលម្ចាស់ជើងឯកនៅលីគកមពូលកម្ពុជា Cambodian Premire League រដូវកាល ២០២៣-២៤ ក៏បានរកឃើញហើយដែរ គឺព្រះខ័នរាជស្វាយរៀង។ ខណ:ការប្រកួតបញ្ចប់រដូវកាលនៅសល់ ២ប្រកួតទៀតប៉ុណ្ណោះ។
ដោយឡែកយើងងាកមកចាប់កីឡាករ ៧រូបកំពុងស្ថិតនៅក្នុងបញ្ជី Top Scorers ស្រប់ពេលការប្រកួតនៅសល់៖
- កីឡាករ Marcus Warren Haber របស់ព្រះខ័នរាជស្វាយរៀង ស៊ុតបញ្ចូលទីបាន ២៩គ្រាប់
- កីឡាករ Shimizu Shintaro របស់ភ្នំពេញក្រោន ស៊ុតបញ្ចូលទីបាន ២០គ្រាប់
- កីឡាករ Yoshihama Ryohei របស់បឹងកេត ស៊ុតបញ្ចូលទីបាន ១៣គ្រាប់
- កីឡាករ Rafael Andres Nieto Rondon របស់ភ្នំពេញក្រោន ស៊ុតបញ្ចូលទីបាន ១២គ្រាប់
- កីឡាករ Golubovic Stefan របស់បឹងកេត ស៊ុតបញ្ចូលទីបាន ១២គ្រាប់
- កីឡាករ លឹម ពិសុទ្ធ របស់ភ្នំពេញក្រោន ស៊ុតបញ្ចូលទីបាន ១១គ្រាប់
- កីឡាករ Boungkong Bounphachan របស់ព្រះខ័នរាជស្វាយរៀង ស៊ុតបញ្ចូលទីបាន ១១គ្រាប់
ព្រះខ័នរាជស្វាយរៀង នឹងតំណាងឱ្យកម្ពុជា ទៅប្រកួតពានរង្វាន់ប្រចាំតំបន់អាស៊ាន និងទ្វីបអាស៊ី ក្រោយគ្រង ជើងឯកលីគកំពូលកម្ពុជា លេងក្នុងពានរង្វាន់អាស៊ីលំដាប់ទី៣ AFC Challenge League រដូវកាលក្រោយ។ មន្រ្តីរបស់ក្លិបរូបនោះបានបញ្ជាក់ថា ព្រះខ័នរាជស្វាយរៀង នឹងត្រូវបានចូលរួមប្រកួតជម្រុះ វគ្គ Playoff សម្រាប់ពានរង្វាន់ទាំងពីរនេះពោលគឺមិនឡើងទៅវគ្គចែកពូលស្វ័យប្រវត្តិនោះទេ។
ខណ:ពានរង្វាន់ ASEAN Club Championship នឹងចាប់ឆ្នោតនៅថ្ងៃទី៩ ខែឧសភា ឆ្នាំ២០២៤ នៅប្រទេសវៀតណាម។
ការប្រកួត Top4 គឺលេងតែ១ជុំប៉ុណ្ណោះ មានរយ:ពេល៨ថ្ងៃ ពោលគឺចាប់ពីថ្ងៃទី៤ ខែឧសភា ដល់ថ្ងៃទី១២ ខែឧសភា ឆ្នាំ២០២៤ ស្របពេលក្រុម Top 4 នៅសល់ ២ប្រកួតរៀងៗខ្លួន។
ប្រកួតថ្ងៃទី៨ ឧសភា ២០២៤
- បឹងកេ ប៉ះ ភ្នំពេញក្រោន នៅពហុកីឡដ្ឋានជាតិ វេលាម៉ោង ៦:០០នាទីល្ងាច
- ព្រះខ័នរាជស្វាយរៀង ប៉ះ វិសាខា នៅកីឡដ្ឋាន ស្វាយរៀង វេលាម៉ោង ៦:០០នាទីល្ងាច
ប្រកួតថ្ងៃទី១២ ឧសភា ២០២៤
- ភ្នំពេញក្រោន ប៉ះ ព្រះខ័នរាជស្វាយរៀង នៅកិឡដ្ឋានស្មាត អអេសអិន វេលាម៉ោង ៦:០០នាទីល្ងាច
- វិសាខា ប៉ះ បឹងកេត នៅកីឡដ្ឋានព្រីនស៍ វេលាម៉ោង ៦:០០នាទីល្ងាច
គួរបញ្ជាក់ឱ្យដឹងផងដែរថា ពានរង្វាន់លីគកំពូលកម្ពុជា Cambodian Premire League បានចាប់ផ្តើមការ ប្រកួតតាំងពីថ្ងៃទី៥ ខែសីហា ឆ្នាំ២០២៣ កន្លងទៅ ប្រើរយៈពេលចំនួន ៣០សប្តាហ៍ និងមានក្រុមខ្លាំងៗចំនួន ១០ក្រុមចូលរួមប្រកួតប្រជែង៕
