នៅសល់រយ:ពេល ៣ថ្ងៃទៀតប៉ុណ្ណោះ ការចុះឈ្មោះដើម្បីស្វែងរកកីឡាករ ដែលមានចំណាប់អារម្មណ៍ចង់បង្ហាញសមត្ថភាព លើប្រភេទកីឡា eFootball-Console ដើម្បីតំណាងជាតិ ចូលរួមប្រកួតនៅទីក្រុង Riyadh ប្រទេសអារ៉ាប់រួម។
សម្រាប់អ្នកស្នេហាវិស័យកីឡាអេឡិចត្រូនិក អាចធ្វើការបង្ហាញសមត្ថភាពរបស់អ្នក ដើម្បីក្លាយខ្លួនជាកីឡាករតំណាងជាតិក្នុងព្រឹត្តិការណ៍កីឡាអេឡិចត្រូនិកពិភពលោក WEC 16th Riyadh 2024 វិញ្ញាសា eFootball-Console។
ការទទួលចុះឈ្មោះចូលរួមប្រកួតចាប់ពីថ្ងៃទី ៣ ដល់ម៉ោង១២យប់ ដែលនឹងបញ្ចប់នៅថ្ងៃទី៩ ខែឧសភា ឆ្នាំ២០២៤ ឬ ចំនួនកីឡាករចុះឈ្មោះចូលរួម ដល់ចំនួនដែលបានកំណត់។
ដូច្នេះកីឡាករដែលគិតថាខ្លួនមានសមត្ថភាព និងគ្រប់លក្ខខណ្ឌតម្រូវដូចមានចែងក្នុងបទបញ្ជាចូលរួមការប្រកួត សូមរួសរាន់ធ្វើការចុះឈ្មោះ ដើម្បីកុំឲ្យឱកាសនេះកន្លងផុតទៅឲ្យសោះ។
ការចុះឈ្មោះធ្វើឡើងតាមរយៈអនឡាញ (Online Registration) តាមតំណរភ្ជាប់នេះ៖ https://efootball.re-esport.com/
បញ្ជាក់៖
- កីឡាករដែលចង់ចូលរួមដាក់ពាក្យសូមធ្វើការអាននូវលក្ខខណ្ឌចូលរួមឲ្យបានច្បាស់ លាស់មុនដាក់ពាក្យ។
- ការប្រកួតជម្រុះនេះពុំមានប្រាក់រង្វាន់ទេ
សម្រាប់ការប្រកួតជើងឯកពិភពលោកកីឡា Esports ដែលគ្រោកនឹងប្រព្រឹត្តទៅនៅទីក្រុងរីយ៉ាដ ប្រទេសអារ៉ាប៊ីសាអូឌីត មានការបែងចែកប្រភេទកីឡាជាច្រើនដែលមានប្រាក់រង្វាន់សរុប ចំនួន ១លានដុល្លារអាមេរិក ($1.000.000) ។ ការប្រកួតគ្រោងធ្វើឡើង ចាប់ពីថ្ងៃទី១១ ដល់ថ្ងៃទី១៩ ខែវិច្ឆិកា ឆ្នាំ២០២៤៕
