សិល្បៈជាតិ៖ តារាសម្ដែង ព្រីន និងរចនា រ៉ាវ៉ាឌី បានចូលខ្លួនមកស្រាយបំភ្លឺចម្ងល់អ្នកគាំទ្រគ្រប់រូបដែលរង់ចាំទស្សនារឿងភាគដ្រាម៉ារបស់អ្នកទាំងពីរ ដោយអ្នកទាំងពីរបានប្រកាសថា នឹងមិនវិលទៅថតដ្រាម៉ាក្នុងរូបភាពបែបសាំភ្នែកដូចមុននោះទេ ប៉ុន្តែអ្នកទាំងពីរកំពុងបំពេញការងារថ្មីមួយជាមួយផលិតផលសាប៊ីកក់សក់ពីប្រទេសបារាំង គ្រីអេតមី ក្នុងនាមជាទូតសុច្ឆន្ទៈ។
តារាល្បីនិងមានឥទ្ធិពលមួយគូនេះ បានសន្យាថានឹងព្យាយាមផលិតមាតិកាល្អៗ ផ្ដល់នូវភាពរីករាយដល់អ្នកទស្សនា តែមិនបំពុលសង្គម។ ការចាប់ដៃគ្នាយ៉ាងស្អិតរមួតជាមួយក្រុមហ៊ុនថ្មីនេះ តារាសម្ដែង ព្រីន និងរចនា រ៉ាវ៉ាឌី បានចុះហត្ថលេខាលើកិច្ចសន្យាព្រមព្រៀងរយៈពេល ១ ឆ្នាំដំបូងសិន។
គួរបញ្ជាក់ថា តារាសម្ដែងដ៏មានប្រជាប្រិយភាពទាំងពីរដួង ទាំងព្រីន និងរចនា រ៉ាវ៉ាឌី ទទួលយកធ្វើជាទូតសុច្ឆន្ទៈឱ្យផលិតផល Kreatme ដោយសារតែសម្លឹងឃើញពីគុណភាពនិងគុណប្រយោជន៍ នៃផលិតផល ព្រោះជា សាប៊ូកក់សក់មានរូបមន្តធម្មជាតិពីប្រទេសបារាំង ដែលជួយបង្កើនភាពស្រស់ស្អាតពីគល់សក់ដល់ ចុងសសៃសក់ មានភាពភ្លឺរលោង មានសំណើម ជួយបំបាត់ការកកើតអង្កែ បញ្ហាសក់សំពោង សក់បែបកចុង សសៃសក់ឆេះជាដើម ដែលធ្វើឱ្យសសៃសក់របស់លោកអ្នកស្រស់ស្អាតចាប់ពីគល់សក់ រហូតដល់ចុងសក់ និងមានក្លិនក្រអូបដូចទឹកអប់។ ដើម្បីទទួលបានប្រសិទ្ធភាពខ្ពស់ត្រូវប្រើសាប៊ូកក់ និងសាប៊ូបន្ទន់សក់រាល់ពេលកក់សក់៕
