ក្រុមស្ដេចស Real Madrid មកពីអេស្ប៉ាញ នឹងត្រូវជួបក្រុម Borussia Dortmund ពីអាល្លឺម៉ង់ នៅវគ្គផ្ដាច់ព្រ័ត្រ ពានរង្វាន់លំដាប់ទី១ ប្រចាំទ្វីបអឺរ៉ុប UEFA Champions League រដូវកាល ២០២៣-២៤។
សម្រាប់លទ្ធផលវគ្គពាក់កណ្តាលផ្តាច់ព្រ័ត្រ UCL៖
- ថ្ងៃទី១ ឧសភា៖ ជើងទី១ Borussia Dortmund ១-០ PSG នៅកីឡដ្ឋាន Westfalenstadion
- ថ្ងៃទី២ ឧសភា៖ ជើងទី១ Bayern Munich ២-២ Real Madrid នៅកីឡដ្ឋាន Allianz Arena
- ថ្ងៃទី៨ ឧសភា៖ ជើងទី២ PSG ០-១ Borussia Dortmund នៅកីឡដ្ឋាន Parc des Princes (សរុបទាំង២ជើង ២-០)
- ថ្ងៃទី៩ ឧសភា៖ ជើងទី២ Real Madrid ២-១ Bayern Munich នៅកីឡដ្ឋាន Santiago Bernabéu (សរុបទាំង២ជើង ៤-៣)
ក្រុមស្ដេចស បានឡើងមកកាន់វគ្គផ្ដាច់ព្រ័ត្រក្រោយទម្លាក់ Bayern Munich ក្រុមមកពីអាល្លឺម៉ង់ ខណ: Borussia Dortmund ទម្លាក់ PSG ក្រុមពីបារាំង នៅវគ្គពាក់កណ្តាលវគ្គផ្តាច់ព្រ័ត្រ។
កម្មវិធីប្រកួតវគ្គផ្តាច់ព្រ័ត្រ នឹងត្រូវធ្វើឡើងនៅរាត្រីថ្ងៃទី១ ឈានចូលថ្ងៃទី២ ខែមិថុនា ឆ្នាំ២០២៤ Borussia Dortmund ប៉ះ Real Madrid វេលាម៉ោង ២:០០រំលងអធ្រាត្រ នៅកីឡដ្ឋាន Wembley ប្រទេសអង់គ្លេស។
ប្រវត្តិជួបគ្នា ៦លើកចុងក្រោយរបស់ក្រុមទាំង២ មាន៖
- ថ្ងៃទី៣ ខែមេសា ឆ្នាំ២០១៤៖ Real Madrid ៣-០ Borussia Dortmund
- ថ្ងៃទី៩ ខែមេសា ឆ្នាំ២០១៤៖ Borussia Dortmund ២-០ Real Madrid
- ថ្ងៃទី២៨ ខែកញ្ញា ឆ្នាំ២០១៦៖ Borussia Dortmund ២-២ Real Madrid
- ថ្ងៃទី៨ ខែធ្នូ ឆ្នាំ២០១៦៖ Real Madrid ២-២ Borussia Dortmund
- ថ្ងៃទី២៧ ខែកញ្ញា ឆ្នាំ២០១៧៖ Borussia Dortmund ១-៣Real Madrid
- ថ្ងៃទី៧ ខែធ្នូ ឆ្នាំ២០១៧៖ Real Madrid ៣-២ Borussia Dortmund
គួរដឹងថា ពានរង្វាន់ UEFA Champion League បង្កើតឡើងដំបូងនៅឆ្នាំ ១៩៥៥ ពោលគឺមានអាយុកាល ៦៨ឆ្នាំ ដោយ Real Madrid ឈ្នះពាននេះច្រើនជាងគេសរុប ១៤ដង ខណ: AC Milan ធ្លាប់ឈ្នះបាន ៧ដង រីឯ Liverpool និង Bayern Munich ឈ្នះបាន៦លើក ខណោ: Borussia Dortmund ឈ្នះបាន១លើក នៅឆ្នាំ១៩៩៧៕
